ភ្នំពេញ៖ ទីបំផុតសព​​​លោក​​ហុ​ក ប៊ុ​ន​ហ៊ុយ ​អតីតថៅកែ​​សណ្ឋាគារ​ឆាយ​ហុង​ បាន​​អណ្តែត​ឡើង​ កាលពីវេ​លា​ម៉ោង​ប្រមាណ​៦​ព្រឹក​ថ្ងៃទី​៣០ ខែសីហា ឆ្នាំ២០១៨ ស្ថិតត្រង់​​ចំណុ​ច​ភូមិ​​ល្វា សង្កាត់​​កោះដាច់ ខណ្ឌ​ជ្រោយចង្វារ។

គួររំលឹកផងដែរថា ហេតុការណ៍នេះនៃការបាត់ខ្លួនជនរងគ្រោះនេះ បានកើតឡើងកាលពីថ្ងៃទី២៦ ខែសីហា ដោយអតីត​សណ្ឋាគារ​ឆាយ​ហុង បានទំលាក់ខ្សែដើម្បីសាក ម៉ូតូទឹកថ្មីដែលទើបនឹងទិញ ឬមានខ្លះ​ហៅ​ថា អូ​ប៊័រ ដែល​ទើប​ទិញ​ក្នុង​តម្លៃ​ជិត​២​ម៉ឺន​ដុល្លារ​លំហែកាយ​តាម​ដង​ទន្លេ ។ មិនដឹងថាមកពីមូលហេតុអ្វីស្រាប់តែម៉ូតូទឹកនោះ បាន​ធ្លាក់ទឹក​លិច​បាត់ ហើយ​ម៉ូតូ​ទឹក​ក៏​បាន​អណ្តែត​តាម​ទឹក​ចូល​ខាង ហើយ​ត្រូវ​នគរបាល​យក​ទៅ​រក្សា​ទុក ។ ជន​រង​គ្រោះ​ ឈ្មោះ​ហុ​ក ប៊ុ​ន​ហ៊ុយ ហៅ​តា​ហ៊ុយ ភេទ​ប្រុស អាយុ ប្រមាណ​ជាង​៤៧​ឆ្នាំ ជា​អតីត​ថៅកែ​សណ្ឋាគារ​ឆាយ​ហុង និង​បច្ចុប្បន្ន​ជា​ថៅកែ​ហាង​គុយទាវ​មួយ​កន្លែង នៅ​ក្នុងភូមិ​ព្រែក​លៀប សង្កាត់​ព្រែក​លៀប ខណ្ឌ​ជ្រោយចង្វារ ។ បច្ចុប្បន្ន ​​ស​ព​របស់​លោក ​ត្រូវ​បាន​​ក្រុម​គ្រួសារ​​ស្រង់​មកតម្កល់ធ្វើបុណ្យតាម​ប្រពៃណី​នៅ​វត្ត​បាក់​ខែង។ ដោយ៖ អាខ្មៅ