មកដល់វេលាព្រឹកមិញនេះ ថ្ងៃទី២៥ខែកក្កដាឆ្នាំ២០១៨នេះទឹកជំនន់ដែលហូរចេញពីការបាក់ទំនប់Se-PianSeNamNoiក្នុងខេត្តAttapeuប្រទេសឡាវបានមកដល់ព្រំដែនប្រទេសកម្ពុជាជាបណ្តើរៗហើយនិងបានលិចចូលតំបន់មួយចំនួននៅក្នុងឃុំថ្មកែវឃុំសន្តិភាពនិងឃុំសេកុងនៃស្រុកសៀមប៉ាងខេត្តស្ទឹងត្រែង។

ជាមួយគ្នានេះទឹកទន្លេសេកុងក៏បានហក់ឡើងដល់កម្ពស់១១,៣០ម(កម្រិតប្រកាសឱ្យប្រុងប្រយ័ត្នមានកម្ពស់១១,៥០ម)។អាជ្ញាធរខេត្តបាននិងកំពុងជម្លៀសបងប្អូនប្រជាពលរដ្ឋទៅកាន់ទីទួលសុវត្ថិភាព។ ទំនប់វារីអគ្គិសនីSe-PianSeNamNoiនៅក្នុងខេត្តAttapeuប្រទេសឡាវមានចម្ងាយ៧០គីឡូម៉ែត្រពីព្រំដែនកម្ពុជា-ឡាវបានបាក់។ទំនប់នេះមានសមត្ថភាពផ្ទុកទឹកបាន៥ពាន់លានម៉ែត្រគូបនិងអាចផលិតថាមពលអគ្គិសនី៤១០មេហ្គាវ៉ាត់។ទឹកដែលហូរចេញពីទំនប់នឹងត្រូវហូរចូលទន្លេសេកុងក្នុងប្រទេសកម្ពុជានិងបន្តលិចដល់តំបន់មួយចំនួនទៀត៕ សូមទស្សនារូបភាពខាងក្រោម៖