យីខ្លាំងបាត់ មានអីទៀត!!! នាំប្តីចុងមកលេងផ្ទះមិត្តភក្តិ ត្រូវប្ដីដើមលបវ៉ៃពីក្រោយ ចំកញ្ចឹង ក បណ្ដាលឲ្យរងរបួសធ្ងន់ ចូលដេកនៅមន្ទីពេទ្យ

កំពង់ធំៈ កាលពីវេលាម៉ោង៦ៈ២០នាទីព្រលប់ ថ្ងៃទី១៦ ខែកក្កដា ឆ្នាំ២០១៨ ស្ថិតនៅខាងមុខផ្ទះមិត្តភក្តិឈ្មោះវី ភេទស្រី ក្នុងភូមិបានាគ ឃុំចើងដើង ស្រុកបារាយណ៍ ខេត្តកំពង់ធំ ហេតុការណ៍នេះបានកើតឡើងដោយនារីជាប្រពន្ធ បាននាំប្តីចុងមកលេងផ្ទះមិត្តភក្តិ ក៏ត្រូវប្ដីដើមលបវ៉ៃប្តីចុង ចំកញ្ចឹង ក បណ្ដាលឲ្យរងរបួសធ្ងន់ ចូលដេកនៅមន្ទីពេទ្យ។

ជនរងគ្រោះដែលត្រូវប្ដីដើមវ៉ៃមានឈ្មោះ យង ភារុណ អាយុ២៤ឆ្នាំ ស្រុកកំណើតនៅភូមិ ដូនទ្រី ឃុំជ្រៃ ស្រុកមោងឫស្សី ខេត្តបាត់ដំបង។ រីឯប្រពន្ធមានឈ្មោះ ចំរើន អាយុ៣០ឆ្នាំ ទីលំនៅភូមិតាប្រុកថ្នល់ជាតិ ឃុំឈូកខ្សាច់ ស្រុកបារាយណ៍ ខេត្តកំពង់ធំ ។ ជនដៃដល់ជា អតីតប្តីដើម មានឈ្មោះជូ សុខណាត អាយុ៣០ឆ្នាំ ទីលំភូមិ ឃុំកើតខាងលើ។

ស្ត្រីឈ្មោះ ចំរើន អតីតប្រពន្ធជនដៃដល់បានរៀបរាប់ថា អ្នកស្រីបានរួមរស់ជាមួយប្តីដើមឈ្មោះ ជូ សុខណាត អស់រយ:ពេលជាច្រើនឆ្នាំ ហើយថែមទាំងមានកូនពីរនាក់ ប៉ុន្តែការរស់នៅជាមួយគ្នាជាច្រើនឆ្នាំមកនេះ អ្នកស្រីរស់នៅមិនដែលបានល្ហែ ល្ហើយម្តងណាឡើយ លោកប្តីផឹកស៊ីស្រវឹង រករឿងវ៉ៃដំច្រំធាក់ គ្មានពេលស្រាកស្រាន អ្នកស្រីទ្រាំមិនបាន ក៏សុំប្តីលែងលះ ហើយបានចែកកូន១ម្នាក់ស្រេចបាច់អស់ទៅហើយ អ្នកស្រីបានបញ្ជាក់ថា ការលែងលះនេះ តាំពីថ្ងៃទី២០ ខែតុលា ឆ្នាំ២០១៦ ។