អ្នកនាង ឆៃលី ដាឡែន៖ ឈ្មោះថាជាពេទ្យ គឺជាឈ្មោះដែលបងប្អូនមានជំនឿចិត្ត ក្នុងការជួយជីវិតមនុស្ស តែបើពេទ្យមានត្រឹមតែឈ្មោះ ក៏គ្មានមនុស្សណាម្នាក់ជឿជាក់ទៀតដែរ...

ភ្នំពេញ ៖ ក្រោយពីមានសារព័ត៏មានបានចុះផ្សាយ ពីម្ចាស់គណនីហ្វេសប៊ុកដែលមានឈ្មោះថា Jolly BabyShop ជាស្រ្តីម្នាក់រងនូវការឈឺចាប់ពីសំណាក់គ្រូពេទ្យយ៉ាងខ្លាំង ដែលបណ្តោយក្មេងទើបនឹងកើតបានបួនថ្ងៃប៉ុណ្ណោះ សូម្បីតែពន្លឺថ្ងៃបែបណាក៏គាត់មិនទាន់ឃើញ តែបែរជាស្លាប់ដោយសារតែគ្រូពេទ្យមួយចំនួនដែលគ្មានវិជ្ជាជីវៈត្រឹមត្រូវ បណ្តោយកូនក្មេងដ៏គួរឲ្យស្រលាញ់ត្រូវព្រាត់ម្តាយ ម្តាយព្រាត់កូន ឪពុកព្រាត់កូន ជីដូន បងប្អូនព្រាត់មនុស្សម្នាក់ដ៏គួរឲ្យស្រលាញ់ទៅវិញ។ បើបញ្ហាទាំងនេះកើតលើគ្រួសាររបស់អ្នកវិញតើអ្នកនឹងគិតយ៉ាងណា? ពាក្យថាគ្រូពេទ្យ ឈ្មោះថាគ្រូពេទ្យ ជាឈ្មោះមួយដែលមនុស្សគ្រប់គ្នាតែងគោរពស្រលាញ់ មិនថាអ្នកមាន អ្នកក្រតែងតែទៅពឹងពាក់ ក្នុងការព្យាបាល តែបើមានគ្រូពេទ្យដែលមិនចេះទទួលខុសត្រូវ លើជីវិតមនុស្សផងនោះ តើមានឈ្មោះថាជាពេទ្យធ្វើអ្វី? ឬក៏ដើម្បីតែលុយមិនខ្វល់ពីអ្វីទាំងអស់ អ្នកណាចង់ស្លាប់ ចង់រស់ក៏មិនខ្វល់ សំខាន់ បើគឺបានលុយ។ ដូចលោកអ្នកបានឃើញរួចមកហើយថា មានសារព័ត៏មានជាច្រើនបានចុះផ្សាយពីមន្ទីរពេទ្យមួយកន្លែង ព្រោះតែមិនអើពើរជាមួយអ្នកជំងឺ ទើបក្រុមគ្រួសារមួយនេះ ជួបរឿងដែលនឹកស្មានមិនដល់បែបនេះ។ ទុក្ខសោក ក្តីវេទនា ដែលស្រ្តីរូបនេះបានជួប វាពិតធំធេងខ្លាំងណាស់ សម្រាប់ជីវិតជាមនុស្សស្រ្តីម្នាក់ ដែលមានឈ្មោះថាជាម្តាយគេនោះ។

មន្ទីរពេទ្យដែលស្រ្តីម្ចាស់គណនីហ្វេសប៊ុក បានធ្វើការបង្ហោះ និង សូមឲ្យបងប្អូនទាំងអស់ជួយរកយុត្តិធម៍ជូនខ្លួនផងនោះ មានឈ្មោះថា "មន្ទីរពេទ្យសង់ត្រាល់" ។

នៅក្នុងករណីដ៏សែនឈឺចាប់មួយនេះ អ្នកនាង ឆៃលី ដាឡែន ដែលមានស្រ្តីម្នាក់ដែលធ្លាប់ឆ្លងកាត់ជីវិត ជាម្តាយខំពរពោះ អស់រយៈពេល៩ខែ១០ថ្ងៃ ខំថែរក្សា ថ្នាក់ថ្នម ទម្រាំតែបានបង្កើតមកឈឺចាប់ខ្លាំងប៉ុណ្ណា តែបែជាមកជួបរឿងអកុសលបែបនេះ ដោយអ្នកនាងបានលើកឡើងថា "ហេតុអីពេទ្រខ្មែរចូលចិត្តអញ្ចឹងម៉េស? បើនៅស្រុកគេវិញក្មេងមិនស្លាប់ទេ អ្វីដែលសំខាន់គេជួយជីវិតមនុស្សសិនទើបគេនិយាយរឿងលុយ តែខ្មែរចូលចិត្តសួរលុយមុន? អ្វីដែលសំខាន់គឺជីវិតមនុស្សដែលគេត្រូវជួយ ទោះអ្នកជំងឺជាហើយឬមិនស្លាប់អោយលុយគេឬមិនអោយក៏គេមិនដែលខ្វល់ដែល សំខាន់គឺជីវិតមនុស្ស ហើយមួយទៀតឆ្ងល់ថាទៅរៀនពេទ្រអស់ទាំងលុយៗ ចង់ក្លាយជាពេទ្រដើម្បីជួយជីវិតប្រជាជន ចុះហេតុអីបានក្លាយជាពេទ្រហើយមិចមិនជួយជីវិតមនុស្សទៅ? ជាពេទ្រឬគ្រាន់តែឈ្មោះថាជាពេទ្រទេ? អាណិតគ្នាណាស់ឃើញពន្លឺទើបតែបាន4ថ្ងៃ ឥឡូវទៅវិញ ហុឺ ហើយម្តាយខំពរពោះតាំងពីមួយខែរហូត9ខែ10ថ្ងៃរហូត វេទនាចាញ់ផង អីផង ព្រោះតែកូនសុខចិត្តទ្រាំហើយទន្ទឹងចាំមើលមុខកូន ពេលនេះតើអោយគាត់ធ្វើយ៉ាងម៉េច? បើសិនជាអ្នកដែលជាពេទ្រវិញអ្នកមានអារម្មណ៍យ៉ាងម៉េច? នេះគ្រាន់តែខ្ញុំមិនមែនជាពេទ្រខ្ញុំខ្លោចចិត្តជំនួស បើសិនខ្ញុំជាពេទ្រវិញ ខ្ញុំមិនអង្គុយបើភ្នែកមើលដូចពេទ្រដែលគ្មានសីលធម៍ដូចពេទ្រអែងទេ សុំអ់យោបល់ហើយ ខ្ញុំនិយាយលែងចេញព្រោះណែនទ្រូងណាស់នៅពេលខ្ញុំឃើញរូបភាពនេះ"។

នៅក្នុងនោះមន្រ្តីជាន់ខ្ពស់នៃក្រសួងសុខាភិបាល ក៏បានលើកឡើងដែរថា កោះកុង៖ មន្ត្រីជាន់ខ្ពស់នៃក្រសួងសុខាភិបាលបានក្រើនរម្លឹកដល់ក្រុមគ្រូពេទ្យមួយចំនួននៅកម្ពុជាថា សូមកុំធ្វើជាគ្រូពេទ្យមាំទាំតែជំនាញមួយមុខ ហើយបែរជាខ្វះក្រមសីលធម៌វិជ្ជាជីវៈទៅលើអ្នកជំងឺឲ្យសោះ ពោលគឺប្រកាន់ភ្ជាប់នៅគុណធម៌ ចំណេះដឹងពិតប្រាកដ ដើម្បីជួយសង្គ្រោះជីវិតមនុស្ស និងលើកស្ទួយវិស័យសុខាភិបាលនៅកម្ពុជា។ ការដាក់តឿនក្រើនរម្លឹករបស់លោកសាស្ត្រចារ្យ ធា គ្រុយ រដ្ឋលេខាធិការក្រសួងសុខាភិបាល និងជាប្រធានគណៈគ្រូពេទ្យកម្ពុជាយ៉ាងដូច្នេះ ធ្វើឡើងក្នុងសន្និបាតសរុបលទ្ធផលការងារការិយាល័យគណៈគ្រូពេទ្យខេត្តកោះកុង រយៈពេល២ឆ្នាំ លើកទី១ នៃ អាណត្តិ៦ឆ្នាំ កាលពីល្ងាចថ្ងៃទី៧ មិថុនា។ លោកសាស្ត្រចារ្យ សង្កត់ធ្ងន់ថា បើគ្មានសីលធម៌ថ្លៃថ្នូរ និងគ្មានការទទួលខុសត្រូវចំពោះអ្នកជំងឺ ហើយគិតតែផលប្រយោជន៍បុគ្គល វាជារឿងគ្រោះថ្នាក់បំផុតដែលឲ្យបាត់បង់ភាពជឿជាក់ និងរងការរិះគន់ ចំពោះតួនាទីជាគ្រូពេទ្យ។ ក្រៅពីការក្រើនរម្លឹកដល់ក្រុមគ្រូពេទ្យ លោក ធា គ្រុយ ក៏បានស្នើដល់ប្រធានមន្ទីរពេទ្យបង្អែកខេត្តកោះកុង ចាំបាច់ចាត់ក្រុមគ្រូពេទ្យប្រចាំការមើលថែទាំអ្នកជំងឺឱ្យល្អប្រសើរតាមច្បាប់វិន័យពេទ្យ។ តាមរយៈការស្នើរបស់ក្រសួងសុខាភិបាល លោក ហៃ ឡៃសុន ប្រធានមន្ទីរពេទ្យបង្អែកខេត្តកោះកុង លើកឡើងថា បញ្ហាថែទាំព្យាបាលពលរដ្ឋអ្នកជំងឺនៅក្នុងខេត្ត ក្រុមគ្រូពេទ្យជំនាញរបស់លោក បានចាត់ទុកថា ការងារអាទិភាពដ៏សំខាន់បំផុត។ ប្រធានមន្ទីរពេទ្យបង្អែកខេត្តកោះកុង បន្ថែមថា គណៈក្រុមគ្រូពេទ្យបានពង្រឹងបទបញ្ជាវិន័យក្រមសីលធម៌អប់រំណែនាំដល់គ្រូពេទ្យយ៉ាងត្រឹមត្រូវ ចំពោះការប្រើពាក្យសម្តី និងម៉ោងប្រចាំការ ទៅតាមផ្នែកនីមួយៗ ប្រសិនបើមានអ្នកជំងឺមិនអាការៈមិនស្រួល។ លោក ហៃ ឡៃសុន៖ «ក្រុមគ្រូពេទ្យយើងខ្ញុំ គឺគោរពទៅតាមគោលការណ៍របស់រដ្ឋាភិបាល និងក្រសួងសុខាភិបាលដែលបានចេញ ដោយខិតខំធ្វើយ៉ាងផ្តល់សេវាថែទាំសុខភាពជូនពលរដ្ឋឲ្យបានល្អប្រសើរ ២៤ម៉ោងលើ២៤ម៉ោង។ រៀងរាល់ខែ តែងមានការប្រជុំពិនិត្យវាយតម្លៃពីលទ្ធផលការងាររបស់គ្រូពេទ្យទទួលបន្ទុកទៅផ្នែកនីមួយៗផងដែរ»។ ប៉ុន្មានឆ្នាំចុងក្រោយនេះ ការអភិវឌ្ឍន៍វិជ្ជាជីវៈផ្នែកវេជ្ជសាស្ត្រសុខាភិបាលកម្ពុជា កំពុងត្រូវតែបានរដ្ឋាភិបាលផ្តោតយកចិត្តទុកយ៉ាងខ្លាំង ដើម្បីលើកកម្ពស់សុខុមាភាពជូនប្រជាពលរដ្ឋទាំងមូល ដែលតម្រូវការថែទាំសុខភាព ថ្មីត្បិតកម្ពុជាទាន់ទំនើបកម្មស្មើនឹងប្រទេសជិតក្តី។ ទោះយ៉ាងនេះក្តី ទាំងរដ្ឋាភិបាល និងក្រុមគ្រូពេទ្យបានខិតខំកំណែទម្រង់ ឱ្យល្អប្រសើរ បញ្ចៀសការរិះគន់ពីសាធារណជន៕