អត្ថប្រយោជន៍ពីផ្លែម្នាស់ ដែលលោកអ្នកមិនដែលបានដឹង...
-

យើង​ធ្លាប់បាន​និយាយ​អំពី​ផ្លែឈើ​ជា​ច្រើន​រួចមកហើយ​ដែល​វា​មាន​ផល​ល្អ​ចំពោះ​សុខភាព​ស្បែក​។ ថ្ងៃនេះ ខ្ញុំ​នឹង​លើកយក​អំពី​អត្ថប្រយោជន៍​មួយទៀត​របស់​ផ្លែ​ម្នាស់​ចំពោះ​ស្បែក​មនុស្ស​យើង​។ វា​មិន​ខុសគ្នា​ពី​ផ្លែ​ល្ហុង​ទេ ព្រោះ​ផ្លែ​ម្នាស់​គឺជា​ឱសថ​ដ៏​អស្ចារ្យ​មួយ​សម្រាប់​ប្រឆាំងនឹង​ការ​ចាស់​ទៅតាម​អាយុ​របស់​ស្បែក និង​ជួយ​អោយ​ស្បែក​ស្រល់​ស្អាត​ផងដែរ​។ ខាងក្រោម​នេះ​គឺជា​វិធីសាស្ត្រ​ខ្លះៗ​ចំពោះ​ផ្លែ​ម្នាស់​សម្រាប់​ជួយ​អោយ​ស្បែក​មាន​សុខភាព​ល្អ​៖ ចូរ​បន្តក់​ទឹក​ដែល​ចម្រាញ​ចេញពី​ផ្លែ​ម្នាស់​លើ​សម្លី​ដើម្បី​យក​មក​លាប​លើ​មុខ ហើយ​ទុក​វា​ចោល​រយៈពេល​ចាប់ពី ៥​នាទី​ឡើង​ទៅ​។ ទឹក​ចម្រាញ​ចេញពី​ផ្លែ​ម្នាស់​សម្បូរ​ទៅ​ដោយ​សារធាតុ Alpha-Hydroxy Acids ដែល​ទៅ​ជួយ​បន្ថយល្បឿន​ដំណើរ​នៃ​ការ​ចាស់​ទៅតាម​អាយុ​បាន​។

អ្នក​អាច​យក​ចំណិត​ម្នាស់​ដែល​ទុំ​ទៅ​បិទមុខ​បាន​។ អ្នក​អាច​បន្ថែម​ទឹកឃ្មុំ​ជាមួយនឹង​ផ្លែ​ម្នាស់ ឬ​បន្ថែម​គ្រឿងផ្សំ​ផ្សេងៗ​ទៀត​ដែល​អ្នក​ចូលចិត្ត​ក៏​បាន​ដែរ​។
កាត់​ចំណិត​ផ្លែ​ម្នាស់ និង​ប្រើ​វាស​សម្រាប់​មក​ត្រដុស​រាងកាយ​ពេល​ងូតទឹក​។ ចូរ​ត្រដុស​ចំណិត​ផ្លែ​ម្នាស់​នៅ​ស្បែក​ណា​ដែល​គ្រឺមៗ ឬ​មាន​ស្នាម​ខ្មៅៗ និង​ជាំ​ដើម្បី​បន្ថយឥទ្ធិពល​នៅ​កន្លែង​នោះ​។ ប៉ុន្តែ​ចូរ​លាងវា​ចេញ​វិញ​នៅ​រយៈពេល ៥​នាទី​ក្រោយ​។ បើសិន​ជា​អ្នក​ទុក​វា​យូរ​ជាង ៥​នាទី ជាតិ​អាស៊ី​ន​នឹង​ធ្វើអោយ​រលាក​ស្បែក​បាន​។
ការប្រើ​ម្នាស់​ទៅ​លាប​លើ​ស្បែក​គឺជា​វិធី​ព្យាបាល​ដ៏​ល្អ​បំផុត​សម្រាប់​បញ្ហា​ស្បែក​ជ្រីវជ្រួញ​, មាន​ប្រជ្រុយ និង​ជំងឺ​ឬ​ស​លើ​ស្បែក​។
ចូរ​ទទួល​តាន​ទឹក​ផ្លែ​ម្នាស់​អោយបាន​ញឹកញាប់​តាម​តែ​អាច​ធ្វើទៅបាន ឬ​ញ៉ាំ​ផ្លែ​ម្នាស់​រាល់ថ្ងៃ​។ វា​គឺជា​រឿង​ល្អ​ទេ​សម្រាប់​សុខភាព​ស្បែក​របស់​អ្នក ព្រោះ​វា​ជួយ​សម្រួល​ដល់​បញ្ហា​បេះដូង និង​តម្រងនោម​, មាន​អង់ស៊ីម​រំលាយ​ប្រូតេអ៊ីន​, មាន​អត្ថប្រយោជន៍​ចំ​ពើ​ស្ត្រី​ដែល​មាន​ការឈឺចាប់​ពេល​មក​រដូវ និង​រដូវ​មក​មិន​ទៀងទាត់ ព្រមទាំង​ជា​ឱ​ស​ថា​សម្រាប់​ព្យាបាល​ជំងឺ​ឈឺបំពង់ក និង​ផ្តាសាយ​ផងដែរ​។
បើសម្រាប់អ្នកចង់សម្រកទំងន់វិញកាន់តែពិសេសទៅទៀត​ អ្នកអាចទម្ងន់ ៥គីឡូ ក្នុងរយៈពេល ៣ថ្ងៃជាមួយរបបអាហារនេះ អ្នកប្រាកដជាអាចស្រករហូតទៅដល់ ៥គីឡូ ត្រឹមតែរយៈពេល ៣ថ្ងៃប៉ុណ្ណោះ ដោយអ្នកគ្រាន់តែអនុវត្តតាមជំហ៊ានខាងក្រោមឱ្យបានត្រឹមត្រូវ ហើយអ្នកនឹងមានការភ្ញាក់ផ្អើលជាមួយលទ្ធផលនេះ។ អ្នកគួរតែកុំផ្អាកជាមួយការទទួលទានអាហារបន្ថែម ៥ថ្ងៃ បន្ទាប់ពីបានអនុវត្តជាមួយរបបអាហារនេះរួច ពីព្រោះរាងកាយរបស់អ្នកត្រូវការសារធាតុចិញ្ចឹមដ៏ទៃទៀតដូចជា ប្រូតេអ៊ីន និងសារធាតុរ៉ែ ព្រោះម្នាស់តែមួយមុខមិនអាចផ្ដល់គ្រប់គ្រាន់នោះទេ។ ប្រសិនបើអ្នកចង់ នេះជារបបអាហារ និងជាអ្វីដែលអ្នកត្រូវធ្វើ៖ អាហារពេលព្រឹក៖ សម្រាប់អាហារពេលព្រឹកទាំងបីថ្ងៃនេះ អ្នកត្រូវទទួលទានម្នាស់ពីរចំណិត និងនំបុ័ងជ្រុងមួយបន្ទះ។ ហើយសំបកម្ចាស់ដែលចិតរួចកុំបោះវាចោល ត្រូវយកវាមកចម្អិនជាមួយទឹកធម្មតា រួចរំងាស់វាប្រហែល ២០នាទី។ ផឹកទឹកម្នាស់ច្នៃនេះ ១កែវរៀងរាល់ព្រឹក។ អាហារថ្ងៃត្រង់៖សម្រាប់អាហារថ្ងៃត្រង់ អ្នកអាចចម្អិនសាច់មាន់ ២០០ក្រាម លាយជាមួយស្ពៃខ្មៅ និងអំបិលបន្តិច។ ហើយប្រសិនបើអ្នកចង់ អ្នកអាចបរិភោគម្នាស់ ៣ចំណិតសម្រាប់ជាបង្អែម លាងមាត់បន្ថែម។ អាហារសម្រន់៖នៅពេលវា ជាពេលដែលអ្នកត្រូវទទួលទានអាហារសម្រន់ អ្នកអាចញុំាទឹកដោះគោជូរ និងម្នាស់បាន។ អាហារពេលល្ងាច៖សម្រាប់អាហារមួយពេលចុងក្រោយនេះ អ្នកអាចបរិភោគបន្លែសុទ្ធ ធ្វើវាជាមួយការ៉ុត គុយទាវសរសៃធំ និងទំពាំងបារាំង ឬអាចបន្ថែមសាឡាដខ្លះកាន់តែប្រសើរ។ ហើយត្រូវមានបញ្ចូលសាច់មាន់បន្តិចសម្រាប់អាហារមួយពេលនេះផងដែរ និងជាចុងក្រោយ អ្នកត្រូវតែញុំាម្នាស់ជាបង្អែមកុំឱ្យខាននៃអាហាពេលល្ងាច ទាំងបីថ្ងៃនេះ។ ប្រសិនបើអ្នកមិនចូលចិត្តសាច់មាន់ទេ អ្នកប្រើសាច់ត្រីជំនួសក៏បាន។ ប្រសិនបើអ្នកសម្រេចចិត្តថា ជ្រើសរើសរបបអាហារនេះហើយ អ្នកមិនចាំបាច់ត្រូវធ្វើលំហាត់ប្រាណទៀតទេ ពីព្រោះអ្នកមិនបានទទួលទានអាហារដែលមានផ្ទុកកាឡូរីនោះទេ ហើយក្នុងអំឡុងពេលនេះ រាងកាយក៏មិនសូវមានថាមពលគ្រប់គ្រាន់ដែរ។ វាជាការសំខាន់ បន្ទាប់ពីអ្នកបានបញ្ចប់តាមការអនុវត្តនៃរបបអាហារនេះហើយ អ្នកនឹងទទួលបានការសម្រកទម្ងន់យ៉ាងរហ័ស និងមានប្រសិទ្ធភាពបំផុត ត្រឹមពេលតែ ២ ទៅ ៣ថ្ងៃប៉ុណ្ណ៕
ដោយ៖ ច័ន្ទ ប្រភព៖ health