រូបចម្លាក់​ដែល​គេ​រចនា​មាន​ព្រះ​ភក្ត្រ​ស្រ​ដៀង​ព្រះបាទ​ជ័យ​វរ្ម័ន​ទី​៧ និង​លើក​ព្រះ​ហ​ស្ថ​សំពះ ហើយ​ត្រូវ​បាន​គេ​យក​ទៅ​ដាក់​ក្រោម​កាំជណ្តើរ​នៅ​ក្នុង​ហាង​មួយ​កន្លែង ត្រូវ​បាន​មជ្ឈដ្ឋាន​នានា​ដែល​ឃើញ​បង្ហោះ​នៅ​លើ​បណ្តាញ​សង្គម​ហ្វេ​ស​ប៊ុ​ក​រិះគន់​ម្ចាស់​ហាង និង​មួយ​ចំនួន​បាន​ទាមទារ​ឲ្យ​ម្ចាស់​ហាង​ដក​រូប​នោះ​ចេញ​និង​សុំ​ទោស​ប្រជាពលរដ្ឋ​ខ្មែរ ។

យ៉ាងណា​នៅ​លើ​បណ្តាញ​សង្គម​គេ​មិន​បង្ហាញ​អំពី​ថា​តើ​ហាង​នោះ​មាន​យីហោ​និង​មាន​ទីតាំង​ស្ថិត​នៅ​កន្លែង​ណា​និង​ភូមិសាស្ត្រ​ណា​នោះ​ទេ តែ​មាន​អ្នក​ស្គាល់​បាន​ចូល​ទៅ​ខម​មិន​(Comment)​ថា​ហាង​នោះ​នៅ​ក្នុង​ខេត្តកំពត ។ នេះ​ជា​លើក​ទី​ពីរ​ហើយ​ដែល​រូបចម្លាក់​ព្រះបាទ​ជ័យ​វរ្ម័ន​ទី​៧ ត្រូវ​បាន​គេ​រចនា​ខុស​ពី​ទម្រង់​ដើម បន្ទាប់​ពី​រូបចម្លាក់​ព្រះបាទ​ជ័យ​វរ្ម័ន​ទី​៧​មួយ​អង្គ​ត្រូវ​បាន​គេ​យក​ទៅ​ដាក់​នៅ​ក្នុង​សាលារៀន​មួយ ហើយ​រូប​នោះ​ខុស​ទាំង​ទម្រង់​ព្រះ​ភក្ត្រ​និង​ព្រះ​កាយ និង​ត្រូវ​បាន​គេ​បង្ហោះ​នៅ​លើ​បណ្តាញ​សង្គម​ហ្វេ​ស​ប៊ុ​ក ។ អ្នកលេង​បណ្តាញ​សង្គម​មួយ​ចំនួន​បាន​ចាត់​ទុក​ម្ចាស់​ហាង ឬ ម្ចាស់​អំណោយ​ដែល​ឲ្យ​មានការ​សាងសង់​រូបចម្លាក់​ព្រះបាទ​ជ័យ​វរ្ម័ន​ទី​៧ ខុស​ពី​ទម្រង់​ដើម​ខាងលើ ថា​បាន​ប្រមាថមើលងាយ​អតីត​ព្រះ​មហា​វីរក្សត្រ​ខ្មែរ​ខាង​ពង្រីក​ទឹកដី និង​មើលងាយ​ប្រជាពលរដ្ឋ​ខ្មែរ និង​ថា​ម្ចាស់​ហាង​និង​ម្ចាស់​អំណោយ​នោះ​ទៀត​សោ​ធ មិនមែន​ជា​ជនជាតិ​ខ្មែរ​នោះ​ថែម​ទៀត ។ នៅ​ព្រឹក​ថ្ងៃ​ទី​០៤ ខែមេសា ឆ្នាំ​២០១៨​នេះ «​អង្រុត​» មិន​អាច​រក​ការ​សុំ​អត្ថាធិប្បាយ​ពី​ម្ចាស់​ហាង​ខាងលើ ពិសេស​មន្ត្រី​ក្រសួង​វប្ប​ធ៌​ម​និង​វិចិត្រសិល្បៈ​នោះ​បាន​ទេ ៕ ប្រភព៖ អង្រុត អត្ថបទទាក់ទិននឹង៖ ជួយស៊ែរម្នាក់មួយមក! ជាងចម្លាក់ដ៏ល្បីម្នាក់ សុខចិត្តលះបង់កំលាំងកាយចិត្ត ជួយប្តូររូបចម្លាក់ ព្រះបាទជ័យវរ្ម័នទី៧ថ្មី ដោយអត់យកប្រាក់ ហើយថែមទាំងដឹកឲ្យទៀត.. បន្ទាប់ពីមហាជន​ផ្ទុះ​ប្រតិកម្ម​រិះគន់​យ៉ាងខ្លាំង ជុំវិញ​រូបចម្លាក់ ព្រះបាទ​ជ័យវរ្ម័ន​ទី​៧​មួយអង្គ ដែល​ខុស​ទៅ​នឹង​ទម្រង់​ដើម នៃ​រូប​ព្រះបាទ​ជ័យវរ្ម័ន​ទី​៧ ដែល​ជា​អតីត​ព្រះមហាវីរក្សត្រ​ដ៍​ល្បីល្បាញ របស់​កម្ពុជា​។ ប៉ុន្តែ​គេ​មិនទាន់​ដឹង​ថា តើ​រូបចម្លាក់ ព្រះបាទ​ជ័យវរ្ម័ន​ទី​៧​នេះ ស្ថិតនៅ​ក្នុង​សាលារៀន​ណាមួយ​នោះ​ទេ​។​ ក្នុងនោះដែរ យោងតាមគណនីហ្វេសប៊ុកឈ្មោះ Kamong Dong បានបង្ហោះសារក្នុងគណនីរបស់ខ្លួន ជួយប្តូររូបព្រះបាទជ័យវរ្ម័នទី៧ថ្មី អត់យកលុយ ហើយដឹកឲ្យទៀត នេះជាការលើកឡើងរបស់គាត់"ខ្ញុំ ចង់សម្រួុលអត្តបទខ្ញុំបន្តិច បញ្ជ: បេីសិនខានសាលាត្រូវការប្តូខ្ញុំជួុយដោយមិនយកប្រាក់ ហេីយជុួុយដឹកដល់សាលាផងដែរ នេះមិនមែនជាកាបង្អាប់នោះទេ គ្រាន់តែមិនចង់អោយកូនខ្មែរយល់ខុសពីរចនាបតដេីម។"។