ភ្នំពេញ​៖ យោងតាមសេចក្តីជូនដំណឹងតារាង​តម្លៃ​ដែល​ក្រសួងពាណិជ្ជកម្ម​កំណត់​ តម្លៃ​ប្រេងសាំង នៅតាម​ស្ថានីយ​ប្រេង​ទាំងអស់​ទូទាំងប្រទេស ពិសេស​នៅ​រាជធានី​ភ្នំពេញ បាន​បន្ត​ឡើងថ្លៃ ក្នុង​រយៈពេល ១០​ថ្ងៃ ចាប់ពី​ថ្ងៃទី​០២ ដល់​ថ្ងៃទី​១១ ខែឧសភា ឆ្នាំ​២០១៨​។ នោះ​គឺ​តម្លៃ​ប្រេងម៉ាស៊ូត ថ្លៃ ៣៩០០ រៀល ក្នុង ១ លីត្រ និង​ប្រេងសាំង​ធម្មតា ថ្លៃ ៤១០០ រៀល ក្នុង ១​លីត្រ​។​

​តម្លៃ​ប្រេងឥន្ធនៈ​ក្នុង​រយៈពេល ១០​ថ្ងៃ គិត​ចាប់ពី​ថ្ងៃទី​០២ ខែឧសភា ដល់​ថ្ងៃទី​១១ ខែឧសភា ឆ្នាំ​២០១៨ ត្រូវបាន​កំណត់ដោយ​ក្រសួងពាណិជ្ជកម្ម​។ ក៏ប៉ុន្តែ​សម្រាប់​តម្លៃ​ប្រេងសាំង​ស៊ុប​ពែរ គឺ​ក្រសួងពាណិជ្ជកម្ម មិនបាន​កំណត់​យូរ​ខែ​មកហើយ ព្រោះ​ក្រសួងពាណិជ្ជកម្ម បញ្ជាក់ថា ដើម្បី​ឲ្យ​មានការ​ប្រកួតប្រជែង​តម្លៃ​។​