រាជធានី​ភ្នំពេញ ៖ កាលពី​វេលា​ម៉ោង​១០​និង​៣០​នាទី​ព្រឹក​ថ្ងៃ​ទី​២៤ ខែមេសា ឆ្នាំ​២០១៨ កម្លាំងសមត្ថកិច្ចបានទទួលបានពាក្យបណ្តឹងពីម្តាយក្មេងស្រី ដែលត្រូវបុរសម្នាក់ ល្បួងយកទៅរំលោភ រហូតបាសម្រេចជាច្រើនសារ នៅចំណុចវត្ត ស្ថិត​ក្នុង​សង្កាត់​ច្បារ​អំពៅ​ទី​២ ខណ្ឌ​ច្បារ​អំពៅ ។

ជនសង្ស័យមានឈ្មោះ សៀង សុ​ជាតិ ភេទ​ប្រុស អាយុ​៣៨​ឆ្នាំ ជនជាតិ​ខ្មែរ មុខរបរ​លក់​កា​រ៉េ​ម ស្នាក់​នៅ​ភូមិ​អូរ​អណ្តូង សង្កាត់​ព្រែក​ប្រា ខណ្ឌ​ច្បារ​អំពៅ តែ​ជនសង្ស័យ ជា​មនុស្ស​មាន​សារធាតុ​ញៀន​ក្នុង​ខ្លួន​ផង​ដែរ ។ ចំណែក​ក្មេង​ស្រី​រង​គ្រោះ​មាន អាយុ​១២​ឆ្នាំ ស្នាក់​នៅ​ខណ្ឌ​ច្បារ​អំពៅ ។ ស្ត្រីជាម្តាយក្មេងស្រីបានប្រាប់ថា កាលពីថ្ងៃទី​២៣ ខែមេសា ម្តាយក្មេងស្រីឃើញកូនស្រីមិនសូវហូបបាយនិងមានសភាពស្លេកស្លាំងខ្លាំង ក៏បានសួរនាំកូនស្រី ដោយកូនស្រីរបស់គាត់មិនហ៊ាននឹងឆ្លើយប្រាប់គាត់នោះទេ ដោយសារតែជនសង្ស័យបានគម្រាមថា បើហ៊ានតែប្រាប់គេ​ ជនសង្ស័យនឹងចាប់អា.ក សម្លាប់ចោល។ ជនសង្ស័យាបានឆ្លើយសារភាពថា ខ្លួនពិតជាបានធ្វើសកម្មភាពចាប់រំលោភ លើក្មេងស្រីរងគ្រោះពិតមែន ដោយប្រើវិធីទិញការ៉េមមួយកែវ ឲ្យក្មេងស្រីរងគ្រោះហូប និងបានប្រើ ទូរស័ព្ទ​បើក​វី​ឌី​អូរ​អាស​អា​ភាព​ឲ្យ​ក្មេង​ស្រី​រង​គ្រោះ​មើល រួច​ល្បួង​ចូល​ក្នុង​បន្ទប់ទឹក ធ្វើ​សកម្មភាព​រំលោភ​តែ​ម្តង ។ លុះដល់ថ្ងៃកើតហេតុ ជនសង្ស័យបានធ្វើសកម្មភាពចាប់រំលោភក្មេងស្រីម្តងទៀត ដោយប្រើវិធីដដែលពេលដែលក្មេងស្រីកំពុងរត់លេងជាមួយនិងគ្នីគ្នា​។ ក្រោយពីធ្វើការសួរនាំរួចរាល់ហើយ ថាជនសង្ស័យក៏បានសមត្ថកិច្ចបញ្ជូនខ្លួនទៅអធិការដ្ឋាន ដើម្បីចាត់ការតាមនីតិវិធីច្បាប់៕ ដោយ៖ វិសុទ្ធ