លទ្ធផលចេញហើយ! ក្មេងៗទាំង១២ និងគ្រូបង្វឹកអាចនិយាយបានហើយ ជាពិសេសថែមទាំងអាច...(មានវីដេអូ)
សីហា
-

ថៃ៖ ជារឿងមួយគួរឲ្យភ្ញាក់ផ្អើលខ្លាំងណាស់ ដែលនៅមុននេះមិនប៉ុន្មានម៉ោងផេកសារព័ត៌មានរបស់ថៃ បានបង្ហោះវីដេអូថ្មីមួយបង្ហាញពីស្ថានភាពរបស់ ក្រុមកីឡាករទាំង១៣រូប ដែលបានជាប់គាំង ក្នុងរូងភ្នំថាំហ្លួង ខេត្តឈៀងរ៉ៃ ក្រោយពីរំដោះចេញពីរូងភ្នំដោយសុវត្ថិភាព។

ក្នុងវីដេអូនោះ បានឲ្យឃើញច្បាស់ពីដំណើរវិវត្តន៍នៃសុខភាពរបស់ក្មេងៗ ព្រមទាំងគ្រូបង្វឹករបស់ពួកគេ ដែលមើលទៅ កាន់តែមានភាពល្អប្រសើរខ្លាំងឡើង ពីមួយថ្ងៃទៅមួយថ្ងៃ។
ជាក់ស្ដែងមកទល់ពេលនេះ ពួកគេទាំង១៣រូប ក៏អាចនិយាយបានធម្មតាហើយដែរ អ្វីដែលសំខាន់ នឹងគួរឲ្យរំភើបចិត្តនោះ ពាក្យដំបូងដែលក្មេងៗទាំងនោះនិយាយមកកាន់អ្នកសារព័ត៌មាន នោះគឺការសំពះ ថ្លែងអំណរគុណ យ៉ាងជ្រាវជ្រៅចំពោះក្រុមអ្នកសង្គ្រោះទាំងអស់គ្នា ដែលបានខិតខំប្រឹងប្រែងជួយសង្គ្រោះពួកគេចេញពីរូងភ្នំ ហើយថែមទាំង ពោលថាបើគ្មានអ្នកសង្គ្រោះទេ ពួកគេក៏មិនអាចរស់រាន មានជីវិតដូចពេលនេះដែរ។ ជាពិសេសអ្នកទាំងអស់គ្នា ក៏មិនភ្លេចអរគុណដល់ប្រជាជន បងប្អូនទាំងអស់លើពិភពលោក ដែលបានគាំទ្រ នឹងជួយបួងសួងឲ្យពួគគេរួចពីគ្រោះថ្នាក់មួយនេះផងដែរ។ មានវីដេអូ៖