ប្រាសាទតោ ជាប្រាសាទមួយក្នុងចំណោមប្រាសាទរាប់រយទៀតនៅតំបន់ប្រាសាទសំបូរព្រៃគុក ស្ថិតនៅភូមិសំបូរ ឃុំសំបូរ ស្រុកប្រាសាទសំបូរ ខេត្តកំពង់ធំ ដែលមានចម្ងាយ២៧ គម ពីទីរួមខេត្ត។ ប្រាសាទតោជាប្រាសាទមួយបែរមុខទៅទិសខាងត្បូង ខុសឆ្ងាយពីប្រាសាទផ្សេងៗ ដែលបែរមុខទៅទិសខាងកើត។ នៅមុខប្រាសាទនេះ មានរូបតោ២ កំពុងស្រែកបង្ហាញពីកម្លាំងនិងឥទ្ធិពលរបស់ប្រាសទនេះ។ រូបសំណាក់តោនេះដែរ គេសង្កេតឃើញថាហាក់ខុសប្លែកពីតោធម្មតា តែបើក្រឡេកមើលឱ្យច្បាស់ទៅ គេគិតថាវាជាសំណង់ដូចទៅនឹងតោនៅលើភ្នំគូលែនដែរ ដោយហេតុនេះហើយបានជាមានគេគិតថាសំណង់នេះ ធ្វើឡើងស្របពេលជាមួយសំណង់នៅភ្នំគូលែន។ ប្រាសាទតោ សាងសង់នៅលើដីរាបស្មើ ដែលប្រាសាទនេះសង់ពីថ្មបាយក្រៀម ឥដ្ឋតាន់ និងថ្មភក់ ក្នុងរជ្ជកាលព្រះបាទជ័យវរ្ម័នទី២ នាសតវត្សទី៩ ពោលគឺសំណង់នេះសងក្រោយក្រុមប្រាសាទផ្សេងៗនៅតំបន់សំបូរព្រៃគុកទេ ដែលសាងសង់ឡើងតាំងពីសតវត្សទី៧។ មិនមានសេសសល់សិលាចារឹកណាមួយទាក់ទងនឹងប្រាសាទនេះឱ្យបានក្បោះក្បាយឡើយ ខណៈដែលឈ្មោះប្រាសាទតោនេះ គឺដោយសារតែអ្នកភូមិឃើញមានតោនៅពីមុខប្រាសាទទើបបានជានាំគ្នាដាក់ឈ្មោះថាប្រាសាទតោដូច្នេះទៅ៕ Credit: Sovanna Kem
.jpg?1634184315)
.jpg?1630406232)
.jpg?1627311031)
.jpg?1623499049)
.jpg?1711202579)
.jpg?1711253609)
.png?1711277130)
.jpg?1711169284)