ភ្នំពេញ ៖ ទារកទើបនឹងកើត ត្រូវបានឪពុកម្តាយយកទៅចោល នៅគំនរសម្រាម ត្រូវបានអ្នករើសអេតចាយ ប្រទះឃើញ ដោយក្មេងស្រីគួរឲ្យស្រលាញ់នោះ បានម្តាយរុំសារ៉ុង ពណ៍លឿង លាយក្បាច់ផ្ការចម្រុះ ច្រកក្នុងថង់ កាលពីវេលាម៉ោង ១១យប់ថ្ងៃទី៣១ ខែឧសភា ឆ្នាំ២០១៨ ស្ថិតនៅចំណុចមុខអគ្គីសនីទួលសង្កែ ក្នុងសង្កាត់ទួលសង្កែទី១ ខណ្ឌឫស្សីកែវ រាជធានីភ្នំពេញ។ បុរសម្នាក់ដែលបានឃើញទារកកំសត់នោះ ក៏បានតេទៅវិទ្យុABC ភ្លាមៗនោះខាងវិទ្យុABC ក៏រាយការណ៍ទៅសមត្ថកិច្ចឲ្យចុះមកដល់កន្លែងកើតហេតុ រួចយកទារិកាតូចនោះ ទៅមន្ទីរពេទ្យកាល់ម៉ែត្រភ្លាមៗ និងបានប្រគល់បន្តឲ្យក្រុមការងារវិទ្យុABC មកមើលថែរក្សាបន្ត និងកំពុងតាមដានពិនិត្យសុខភាពសិនផងដែរ។