ខេត្តព្រៃវែង៖ កាលពីថ្ងៃទី២៤ខែ ឧសភាឆ្នាំ២០១៨ សមត្ថកិច្ច ធ្វើការឃាត់ខ្លួនជនសង្ស័យម្នាក់ និងរថយន្តព្រូសមួយគ្រឿង បន្ទាប់ពីសង្ស័យលួចរថយន្តនេះនៅម្ដុំពេទ្យរុស្ស៊ីយកមកទុកលាក់ក្នុងផ្ទះ នៅភូមិមានជ័យ ឃំុ ចុងអំពិល ស្រុកកញ្រ្ជៀច ខេត្តព្រៃវែង។

ជនសង្ស័យឈ្មោះ សួង វណ្ណដា ភេទ ប្រុសអាយុ ២៨ឆ្មាំ នៅភូមិមានជ័យ ឃំុ ចុងអំពិល ស្រុកកញ្រ្ជៀច ខេត្ត ព្រៃវែង។ រីឯរថយន្ត ម៉ាក HY BRID PRIUS ពណ៌សពាក់ស្លាកលេខភ្នំពេញ2AG2090 ដែលជនសង្ស័យបាន លួចកាលពីថ្ងៃទី២៣ខែឧសភាឆ្នាំ២០១៨ នៅម្ដុំក្រោយពេទ្យរុស្ស៊ី។ បន្ទាប់ពីលួចបានជននេះបានបើករថយន្តមកសំងំទុកនៅផ្ទះរបស់ខ្លួន ព្រោះស្មានថាគ្មាននណាដឹង។ លុះដល់ម៉ោងខាងលើក៍ត្រូវបានសមត្ថកិច្ចឃាត់ខ្លួនជាមួយរថយន្តតែម្ដង៕ ដោយ៖ និស្ស័យ