សៀមរាប៖ ក្មេងប្រុសម្នាក់បានរងគ្រោះថ្នាក់យ៉ាងធ្ងន់ធ្ងរ​ ខណៈពេលដែលក្មេងប្រុសម្នាក់នោះបានទៅរើសគ្រាប់មិនទាន់ផ្ទុះ យកមកដំលេង បណ្តាលឲ្យរងរបួសយ៉ាងធ្ងន់ធ្ងរ​ ដែលហេតុការណ៍នេះ បានកើតឡើង កាលពីថ្ងៃទី១៨ខែឧសភា ឆ្នាំ២០១៨ នៅ​ចំណុច​អូរជ្រៅ ស្ថិតក្នុង​ភូមិ​ខ្ទីង ឃុំ​ពាក់​ស្នែង ស្រុក​អង្គរធំ ។

ក្មេងរងគ្រោះមានឈ្មោះ ព្រឿ​ន ​ព្រះ អាយុ ១០ឆ្នាំ​រងរបួស​ធ្ងន់​លើ​ថ្ងាស ត្រូវបាន​អាជ្ញាធរ​មូលដ្ឋាន និង សាច់ញាតិ បញ្ជូនទៅ​សង្គ្រោះ​នៅ​មន្ទីរពេទ្យបង្អែក​ខេត្តសៀមរាប។ ឪពុក​កុមារ​រងគ្រោះ ឈ្មោះ ព្រឿ​ន ធឿន អាយុ៤០ឆ្នាំ​និង​ម្ដាយ​ឈ្មោះ សូវ អូ​ច អាយុ៣៨ឆ្នាំ រស់នៅ​ភូមិ ត្រពាំង​ស្វាយ ឃុំ​លាងដៃ ស្រុក​អង្គរធំ ។ បើយោងតាសម្តីរបស់ មន្ត្រីនគរបាល​មូលដ្ឋាន បាន​ឲ្យ​ដឹងថា គ្រាប់​ដែល​ក្មេង​លេង​ហើយ​ផ្ទុះ​នោះ គឺជា​គ្រាប់​សល់​ពី​សម័យ សង្គ្រាម៕ ដោយ៖ ថារះ