កំពង់ឆ្នាំង៖ ហេតុការណ៍នេះបានកើតឡើងកាលពី​ថ្ងៃទី១៧ ខែឧសភា ឆ្នាំ២០១៨ នៅ​ចំណុច​ផ្លូវ​ក្រាល​កៅស៊ូ​ខ្វែង​ទិស​គ្នា​មួយកន្លែង ស្ថិតក្នុង​ភូមិ​ម៉ុង​បារាំង សង្កាត់​ប្អេ​រ ក្រុង-ខេត្តកំពង់ឆ្នាំង។

មុនពេល​កើតហេតុ គេ​ឃើញ​រថយន្ត​ដឹក​ដី១គ្រឿង ម៉ាក​ហ៊ីយ៉ានដាយ ពណ៌​ខៀវ​លាយ​លឿង ពាក់​ស្លាក់​លេខ កំពង់ចាម 3A-4713 ធ្វើដំណើរ​ក្នុងទិសដៅ​ពី​លិចទៅ​កើត។ លុះ​មកដល់​ចំណុចកើតហេតុ​ខាងលើ​បាន​បុក​ម៉ូតូ​ស្គូ​ពី១គ្រឿង ពណ៌​ស ពាក់​ស្លាក​លេខ ភ្នំពេញ 1AR-5912 បើកបរ​ដោយ​ក្មេង​ស្រី​សិស្សសាលា​ឌុប​គ្នា៣នាក់ បណ្តាល​ឲ្យ​រងរបួស​ធ្ងន់ ។ ជនរងគ្រោះ​ទាំង៣នាក់ ត្រូវបាន​សមត្ថកិច្ច និង​ក្រុមគ្រួសារ​ដឹកយក​ទៅ​មន្ទីរពេទ្យបង្អែក​ខេត្តកំពង់ឆ្នាំង​ដើម្បី​ជួយសង្គ្រោះ។ ចំណែក​អ្នកបើកបរ​រថយន្ត​ដឹក​ដី ឈ្មោះ តែ​ន​ពេ​ទ ភេទ​ប្រុស អាយុ២៤ឆ្នាំ មាន​ទីលំនៅ​ភូមិ​គ្រិះ ឃុំ​តាំងក្រសាំង ស្រុក​បាធាយ ខេត្តកំពង់ចាម សមត្ថកិច្ច​ឃាត់ខ្លួន​យកទៅ​សួរ​នាំនៅ​អធិការដ្ឋាន​នគរបាល​ក្រុង​កំពង់ឆ្នាំង៕ ប្រភពៈ Heng Ly