តារាចម្រៀងប្រចាំផលិតកម្មរស្មីហង្សមាស និងជាម្ចាស់ពាន Cambodia Idol លោក នី រតនា ដែលទើបតែភ្ជាប់ពាក្យ កាលពីចុងខែមេសានេះ ពេលនេះលោក ដំណឹងរៀបអាពាហ៍ពិពាហ៍របស់លោក ក៏មិនយូរនោះដែរ គឺគម្រោងនៅដើមខែមករា ឆ្នាំក្រោយនេះហើយ។

លោក​ នី រតនា ដែលជាតារាចម្រៀងសំលេងពិរោះ ហាក់មានភាពក្លាហានក្នុងការបង្ហាញពីចំណងស្នេហ៍មួយនេះ ដែលខុសពីតារាមួយចំនួន​ តែងតែលាក់លាមពីគូរស្នេហ៍របស់នោះ។ ទន្ទឹមនិងនេះ តារាចម្រៀងដែលមានស្រុកកំណើតមកពីខេត្តកំពង់ធំ​រូបនេះ​ បាន​ដឹក​ដៃគូ​ដណ្តឹង​មក​រៀបរាប់​ពី​ប្រវត្តិ​ស្នេហ៍​ប្រាប់​ដល់​អ្នកគាំទ្រ​តាមរយៈ​ការ​ឡាយ​វីដេអូ។ តារាចម្រៀងរូបនេះបានរៀបរាប់ថា លោកនិងគូរដណ្តឹងរបស់លោក គឺ កញ្ញា ហេង សុវណ្ណ​ភក្តិ​ណា បាន​ស្វែងយល់​ចិត្តថ្លើម​គ្នា​ប្រមាណ​ជា​ជិត​បី​ឆ្នាំ ហើយលោកនិងមានគម្រោងរៀបអាពាហ៍ពិពាហ៍ នៅដើមឆ្នាំ២០១៩នេះហើយ៕