អីយ៉ាស់ ស្ងាត់ៗ! លោក ប៉ាវ ផ្លយ ម្ចាស់បទ «អតីត« មកជួបជាមួយតារាកំប្លែងដ៏ល្បីប្រចាំប្រទេសថៃ គឺលោក គូទី… - សង្គម សិល្បៈ កម្សាន្ដ - Khmer News - The latest Cambodia News. Khmer Times is the region's fastest growing newspaper with daily insights into Cambodia and ASEAN

អីយ៉ាស់ ស្ងាត់ៗ! លោក ប៉ាវ ផ្លយ ម្ចាស់បទ «អតីត« មកជួបជាមួយតារាកំប្លែងដ៏ល្បីប្រចាំប្រទេសថៃ គឺលោក គូទី…

ប្រសិនបើនិយាយពីបទ"អតីត" ប្រិយមិត្តប្រហែលជាស្គាល់ លោក តាំង ហ័រណាម ហៅ ប៉ាវផ្លយ តារាចម្រៀងខ្មែរកាត់ថៃជាក់ជាមិនខាន ប៉ុន្តែប្រសិនបើនិយាយពីខ្សែជីវិតពិតវិញ ប្រិយមិត្តប្រហែលជាមិនទាន់ស្គាល់ឡើយ។ ប៉ាវផ្លយ គឺអតីតក្មេងធ្លាប់រងអំពើហិង្សាយ៉ាងធ្ងន់ធ្ងរពីសំណាក់ឪពុកចុងរបស់ខ្លួន។

កាលពីពេលថ្មីៗកន្លងទៅនេះ លោក ប៉ាវ ផ្លយ បានជួបពិភាក្សាគ្នាជាមួយនឹងតារាកំប្លែងដ៍ល្បីប្រចាំប្រទេសថៃ ហើយប្រិយមិត្តប្រហែលជាធ្លាប់បានស្គាល់ហើយតាមរយៈខ្សែភាពយន្តថៃគឺ លោកគូទី ។

ទាក់ទងនឹងការជួបនេះ ក្នុងគោលបំណងសំណះសំណាលសួរសុខទុក្ខគ្នាទៅវិញទៅមក ដែលពេលកន្លងមកដែលលោកធ្លាប់ជាមិត្តភក្កិនឹងគ្នាកាលពេលលោកប៉ាវផ្លយធ្លាប់រស់នៅក្នុងប្រទេសថៃនោះ ។

ជាមួយគ្នានេះដែរ តារាកំប្លែងថៃ លោកគូទី បានសរសើរលោកប៉ាវផ្លយថា ចម្រៀងរបស់លោកម្ចាស់បទ អតីត ច្រៀងពិតជាពីរោះ និងមានការគាំទ្រខ្លាំង ហើយមួយទៀតកាន់តែមានស្គាល់លោកប៉ាវផ្លយកាន់តែច្រើនទៀតពីសំណាកយុវជនថៃនៅពេលលោកបានលើកយកបទ ខាំផែងមកច្រៀង Cover ឡើងវិញ។

គួរំលឹកផងដែរថា៖ ខ្សែជីវិតពិត លោក តាំង ហ័រណាម ហៅ ប៉ាវផ្លយ ប៉ាវផ្លយ កើតនៅថ្ងៃ ទី៩ តុលា ឆ្នាំ ១៩៨០ ក្នុងខេត្តឈៀងម៉ៃ ប្រទេសថៃ ដែលឪពុកជាជនជាតិថៃកាត់ចិន ហើយម្ដាយជាជនជាតិខ្មែរ។ ម្ដាយរបស់លោកមានស្វាមី២នាក់ ហើយលោកគឺកូនដើមតែម្នាក់គត់ យកស្វាមីក្រោយ ម្តាយរបស់លោកមានកូន៤នាក់ស្រីទាំងអស់។

ប៉ាវផ្លយ បានបន្តឲ្យដឹងថា លោកមិនចាំមុខឪពុកបង្កើតរបស់ខ្លួនឡើយ ព្រោះបានបែកគ្នាតាំងពីលោកអាយុ៨ឆ្នាំមកម្ល៉េះ។ "ម៉ាក់ខ្ញុំប្រាប់ថា ឪពុកខ្ញុំជាអ្នកលក់ខោអាវ ហើយម៉ាក់អ្នកលក់ម្ហូប តែយើងបែកគ្នាតាំងពីខ្ញុំអាយុ៨ឆ្នាំមកម្ល៉េះ មិនដឹងថាគាត់នៅរស់ ឬស្លាប់ទេ ខ្ញុំគិតថាខ្ញុំអត់មានប៉ាទេ គឺមានតែម៉ាក់ប៉ុណ្ណោះ ម៉ាក់ខ្ញុំមានប្ដី១ទៀត គាត់អត់ល្អទេ ធ្វើបាបខ្ញុំខ្លាំងណាស់" ម្ចាស់បទ"អតីត" លើកឡើង។

ក្រោយពីម្ដាយ មានស្វាមីក្រោយមួយទៀត ក្រុមគ្រួសារ ប៉ាវផ្លយ ឈប់បន្តរស់នៅប្រទេសថៃ ហើយបានមករស់នៅ ខេត្តកណ្ដាល ដែលជាស្រុកកំណើតខាងឪពុក។ ការរស់នៅជាមួយឪពុកចុង មិនមែនជារឿងងាយស្រួលនោះទេ លោកត្រូវឪពុកចុងធ្វើបាប យ៉ាងធ្ងន់ធ្ងរ ចំពោះការសិក្សាវិញ លោកបានរៀនត្រឹមថ្នាក់ទី៩ប៉ុណ្ណោះ។ "ប៉ាខ្ញុំធ្វើបាបខ្លាំងណាស់ ខ្ញុំកូនចុងអ៊ីចឹង ឲ្យតែស្រវឹងគាត់ដឹងតែវ៉ៃឲ្យដើរលើរងើកភ្លើងក៏មាន យកដង្កាប់មកមួលភ្លៅក៏មាន យកពូថៅមកវៃស្មងជើងក៏មាន។ មិនត្រឹមវ៉ៃខ្ញុំទេ សូប្បីតែកូនស្រីគាត់ និងម្តាយខ្ញុំក៏គាត់វាយដែរ ខ្ញុំចេញពីផ្ទះនៅអាយុ១៩ឆ្នាំ មកនៅវត្តបួសតែម្ដង"។ ប៉ាវផ្លយ ថ្លែងទាំងមុខស្ងួត។

ប៉ាវផ្លយ ធ្លាប់បួសនៅវត្តមួយក្នុងខេត្ត សៀមរាប និងបន្តការសិក្សាផ្នែកភាសាបាលី នៅប្រទេសថៃ ជាមួយគ្នានោះលោកក៏ធ្លាប់ធ្វើជាចៅអធិការវត្តមួយក្នុងខេត្តបាត់ដំបងថែមទៀតផង។ លោកបួសបានប្រហែល៣ព្រះវង្សាក៏សឹកវិញ ហើយបន្តរកការងារធ្វើនៅប្រទេសកម្ពុជា ប៉ុន្តែដោយការងារមិនសូវល្អ លោកក៏វិលទៅធ្វើនៅប្រទេសថៃវិញទៅ។