ភ្នំពេញ៖ កាលពីវេលាម៉ោង១១និង៣០នាទីព្រឹកថ្ងៃទី២៩ ខែមេសា ឆ្នាំ២០១៨​ បុរសម្នាក់ប្រើប្រាស់ថ្នាំញៀនរហូតដល់បែក ស្រែករវើរវ៉ាយ ប្រកាច់ននៀលដី ផ្អើលសមត្ថកិច្ច ស្មានតែជម្ងឺខ្យល់គ ស្ថិតនៅតាមបណ្តោយផ្លូវជាតិលេខ៤ ភូមិអូរដឹម សង្កាត់ចោមចៅ ៣ ខណ្ឌពោធិសែនជ័យ ។

បុរសញៀនថ្នាំខាងលើ មិនត្រូវបានគេស្គាល់អត្តសញ្ញាណនោះទេ ដោយបុរសនោះស្ថិតនៅក្នុងស្ថានភាព រវើរវ៉ាយ និនាយតែម្នាក់ឯង ប្រកាច់ននៀលដី មិនដឹងថាផ្ទះសម្បែង សាច់ញាតិនៅដល់ណា ។ បើតាមប្រភពប្រជាពលរដ្ឋបានឲ្យដឹងថា​ បុរសខាងលើមិនដឹងមកពីណានោះទេ ដើរនិយាយតែម្នាក់ ស្រែកឡូឡា​ និងប្រកាច់ននៀលដី ធ្វើឲ្យអ្នកបានឃើញស្មានតែខ្យល់គ ក៏បានតេហៅសមត្ថកិច្ច និងរថយន្តសង្គ្រោះដើម្បីជួយសង្គ្រោះ តែជាក់ស្តែង បុរសរូបនោះ ជាមនុស្សបែកថ្នាំសោះ៕ មានវីដេអូ៖ ប្រភព៖ SP News