ប្រិយមិត្តជាទីមេត្រីដូចដែលបងប្អូនបានដឹងហើថា កាលពីល្ងាចថ្ងៃទី ២៤ ខែតុលា ឆ្នាំ២០២២ លោក ជីងចក់ ត្រូវបានប្រពន្ធយកទូរស័ព្ទគប់បែកចិញ្ចេីមខាងឆ្វេង បណ្តាលឲ្យហូរឈាមស្រោចខ្លួន បង្កឲ្យមានការ ភ្ញាក់ផ្អើលយ៉ាងខ្លាំង ដល់សន្តិសុខ នៅចំណតឡានផ្សារទំនេីបមួយ ក្នុងខណ្ឌសែនសុខ រាជធានីភ្នំពេញ នាកាលពីកន្លងទៅនេះ ។
ជាមួយគ្នានេះដែរ ក្រោយពេលប្រពន្ធយកទូរស័ព្ទគប់បែកចិញ្ចេីមខាងឆ្វេងហើយ លោក ជីង ចក់ បានធ្វើការឡាយវិដេអូ រៀបរាប់ដូច្នេះថា លោកពិតជាមានការហួសចិត្តយ៉ាងខ្លាំង ដែលប្រពន្ធរបស់លោកហ៊ាន ធ្វើដាក់លោកបែបនេះ ព្រោះតាំងពីតូចមកមិនដែលមាននរណាហ៊ានលើកដៃ វាយលោកនោះទេ នេះបើយោងតាមការលើកឡើងរបស់លោក ក្រោយពេលកើតហេតុ ។
តែយ៉ាងមិញក្រោយពេល កើតរឿងមួយនេះ លោក ជីង ចក់ ត្រូវបានមហាជន ដាក់រហ័សនាមឲ្យលោកថា ជាបុរសសាច់កម្ម ជាងគេលើលោក ផងដែរ ។
ដោយឡែកទោះបីជាប្តីប្រពន្ធរបស់លោក តែងតែឈ្លោះគ្នា ធ្វើឲ្យមានការភ្ញាក់ផ្អើលនៅលើបណ្តាញសង្គមក៏ពិតមែន ប៉ុន្តែលោក ជីង ចក់ នៅតែស្រឡាញ់និងចូលចិត្តប្រពន្ធរបស់លោកណាស់ អាចនិយាយបានថា មិនមាននារីណាម្នាក់អាចជំនួស ភរិយារបស់លោកបានឡើយ ទោះបីជាមានរឿងអ្វីក៏ដោយ ក៏លោកសុខចិត្ត កាន់ដៃប្រពន្ធ មិនលែងនោះដែរ ហើយកាលពីកន្លងទៅលោកធ្លាប់ បាននិយាយថា លោក សុខចិត្តឲ្យមហាជនរិះគន់លោក រហូតដៀលត្មិះ លោក គ្រប់សព្វបែបយ៉ាង ក៏លោកមិនខ្វល់ដែរ ព្រោះលោក ធ្វើតាមបេះដូង ដូច្នេះលោកមិនខ្វល់ពីសម្តីអ្នកជុំវិញខ្លួននោះទេ ។
ទន្ទឹមនិងនេះដែរ អ្វីដែលគួរឲ្យចាប់អារម្មណ៍នោះនៅព្រឹកថ្ងៃទី ១៣ ខែ វិច្ចិកា ឆ្នាំ២០២២ នេះលោក ជីង ចក់ បានបង្ហោះរូបថតជាមួយប្រពន្ធ មួយសន្លឹក រួចនិយាយថា« 365ថ្ងៃ វាជាថ្ងៃគម្រប់១ឆ្នាំគត់នៃការរៀបការរបស់ពូ» គ្រាន់តែឃើញលោក ជីង ចក់ និយាយបែបនេះ ហ្វេនៗក៏បានចូលទៅខមមិនប្រើពាក្យសម្តី បង្អាប់ លេងសើច ទៅកាន់ ពូចក់ ព្រោងព្រៀតផងដែរ ៕
