អបអរសាទរដល់តារាចម្រៀងស្រីដ៏ល្បីឈ្មោះប្រចាំផលិតកម្មរស្មីហង្សមាស ពេជ្រ សោភា បានសម្រេចចិត្តភ្ជាប់ពាក្យជាមួយនិងគូស្នេហ៍របស់នាង គឺតារាសម្តែងប្រុសដ៏ស្រស់សង្ហាលោក ឆឹម សក្កដា អ្នកទាំងពីរបានចាប់ផ្តើមកម្មពិធីមង្គលពិសារស្លាដកន្សែងនៅព្រឹកថ្ងៃទី ១១ ខែវិច្ចិកា ឆ្នាំ២០២២ នេះហើយ ។
យ៉ាងណាមិញដូចដែលប្រិយមិត្តបានដឹងហើយថា ពេជ្រ សោភា ជាមួយលោក ឆឹម សក្កដា អ្នកទាំងពីរបានស្រឡាញ់គ្នាអស់រយៈពេលជាច្រើនឆ្នាំមកហើយ ក៏ធ្លាប់មានបញ្ហាចែកផ្លូវគ្នាម្តង ដល់ក្រោយមកស្រាប់តែត្រូវគ្នាវិញខាងប្រុសចូលស្តីដណ្តឹងតាមប្រពៃណីតែម្តងរំភើបចិត្តជំនួស។
ជាមួយគ្នានេះដែរក្រោយឃើញអ្នកទាំងពីរបានសម្រេចបំណងបែបនេះមានហ្វេនៗជាច្រើនបានសម្តែងការអបអរសាទរយ៉ាងខ្លាំងទៅកាន់ពួកគេ និងថែមទាំងបានជូនពរឲ្យអ្នកទាំងពីរកាន់តែមានសុភមង្គល និងមានសេចក្តីសុខកាន់តែខ្លាំងផងដែរ ហើយពេលនេះបំណងប្រាថ្នារបស់អ្នកគាំទ្រតារាចម្រៀងស្រីរូបនេះ គឺបានសម្រេចនៅព្រឹកនេះហើយ ៕
