នៅព្រឹកថ្ងៃទី២៨ ខែតុលា ឆ្នាំ២០២២ នេះ កម្មវិធី«រត់ជាមួយ សាយ ៤ សែនជំហាន» កំពុងតែផ្ទុះការចាប់អារម្មណ៍ និង ធ្វើការចែករំលែក ពេញបណ្តាញសង្គមហ្វេសប៊ុក ក្រោយពេលរូបភាពរបស់បងប្អូនប្រុសជាពលរដ្ឋ ពិសេស គឺលោកតាម្នាក់ គាត់បានអង្គុយរង់ចាំ សាយ ដើម្បីចូលរួមចែករំលែកក្តីស្រឡាញ់ តាមរយៈការបរិច្ចាកប្រាក់ ជូនមន្ទីរពេទ្យកុមារអង្គរ។
រូបភាពដ៏រំភើបចិត្តមួយនេះ បានធ្វើឲ្យអ្នកលេងបណ្តាញសង្គម បានធ្វើការចែករំលែក ពេញបណ្តាញសង្គម ដែលលោកតាមមានវ័យប្រមាណ ៧០ឆ្នាំហើយ កំពុងតែអង្គុយនៅតាមចិញ្ចើមផ្លូវ ទន្ទឹងរង់ចាំមើលផ្លូវរបស់ សាយ និង ក្រុមការងារ រត់ទៅដល់ ភូមិដ្ឋានរបស់គាត់ ។
លោកតាចំណាស់ ដែលស្ថិតនៅក្នុងខោជើងខ្លី មិនមានអាវ ហើយស្បែកជើងក៏មិនបានពាក់ រង់ចាំមើលផ្លូវ សាយ ទៅដល់ផ្ទះរបស់លោកតា ។ រូបភាពរបស់លោកប៉ុន្មានសន្លឹកនេះ ត្រូវអ្នកលេងបណ្តាសង្គមហ្វេសប៊ុក ធ្វើការចែករំលែក នូវទឹកចិត្តដ៏ល្អប្រពៃរបស់លោកតា មកកាន់ក្មេងនៅកម្ពុជា ក៏ដូចជាការចូលរួមចំណែក ចេញពីចិត្តពិត ប្រកបដោយស្នាមញញឹម ក្នុងការបរិច្ចាកថវិកា ជូនមន្ទីរពេទ្យ ដែលបានមើលថែ ផ្តល់ក្តីស្រឡាញ់ ជូនដល់ក្មេង ទាំងនេះគ្រាន់តែជា ចំណែកមួយដែលបងប្អូនខ្មែរធ្វើការតបស្នងទៅកាន់ខាងមន្ទីរពេទ្យ ប៉ុណ្ណោះ ព្រោះថាខាងមន្ទីរពេទ្យ ពួកគាត់បានលះបង់ទាំងកាយទាំងចិត្តដើម្បីមើលថែក្មេងៗ ឲ្យមានសុខភាពល្អ សះស្បើយពីជំងឺ។
