ព្រះចៅអធិការវត្ត ទេពធីតារាម (ហៅវត្តយាយទេព ដែលមានអាយុកាល៣២៥ឆ្នាំ) បានសុគត៌នៅលើគ្រែសឹង នៅក្រុងកំពង់ឆ្នាំង ដោយសារតែ....
កំពង់ឆ្នាំងៈ កាលពីល្ងាចថ្ងៃទី១៣ ខែកញ្ញា ឆ្នាំ២០១៨ ក្នុងវត្តទេពធីតារាម (ហៅវត្តយាយទេព) ស្ថិតនៅ ភូមិផ្សារឆ្នាំង ឃុំផ្សារឆ្នាំង ក្រុងកំពង់ឆ្នាំង ខេត្តកំពង់ឆ្នាំង។ ដោយប្រទះឃើញសពព្រះអង្គព្រះនាម ព្រហ្ម នរៈសិទ្ធិ ព្រះជន្ម៤១ព្រះវស្សា ជាព្រះចៅអធិការវត្ត បានសឹងសុគតក្នុងបន្ទុបមិនដឹងមូលហេតុ។
បើតាមប្រភពព័ត៌មានពីគណៈកម្មារធិការវត្ត បានឲ្យដឹងថា ព្រះអង្គបានសុគតតាំងពីម៉ោងប្រហែល៣ៈ៤០នាទីទៀបភ្លឺ ថ្ងៃទី១២ ខែកញ្ញា ឆ្នាំ២០១៨ មកម្ល៉េះ លុះវេលាកើតហេតុខាងលើ ខណៈដែលកូនសិស្សលោក បើកទ្វារចូលទៅដាស់ ទើបដឹងថា ព្រះអង្គបានសុគតបាត់ទៅហើយ ទើបមានការភ្ញាក់ផ្អើលដល់ព្រះសង្ឃ និងពុទ្ធបរិសទ្ធចំណុះជើងនាំគ្នាចោមរោមមើល។ ក្រោយពីទទួលបានព័ត៌មានសមត្ថកិច្ចនគរបាលជំនាញខេត្ត បានចុះមកធ្វើកោសលវិច័យឃើញថា ព្រះអង្គពិតជាសុគត ដោយសាររោគគាំងបេះដូងពិតប្រាដកមែន។ សពព្រះអង្គ ត្រូវបានសមត្ថកិច្ចនគរបាលជំនាញ ប្រគល់ជូនគណៈកម្មារធិការអាចារ្យវត្ត ដើម្បីបុណ្យតាមប្រពៃណីខ្មែរ។ ហើយវត្តនេះសង់នៅលើផ្ទៃដីទំហំជាង ២ ហិកតា ចាប់តាំងពីកកើតជាទីអារាមតាំងពីឆ្នាំ ១៦៧៧ រហូតមកដល់ពេលបច្ចុប្បន្ននេះ គឺមានអាយុកាល ៣២៥ឆ្នាំហើយ ៕
ហាមដាច់ខាតការយកអត្ថបទ ពីវេបសាយ khmernews.news ដោយគ្មានការអនុញាត។