រន្ធត់ចិត្តណាស់!!! ក្មេងៗទំាំង១២នាក់ ព្រមទំាងគ្រូបង្វឹក ធ្វើពិធីបួសសងគុណវីរៈបុរស របស់ពួកគេដែលស្លាប់ ក្នុងបេសកកម្មជួយសង្រ្គោះ ពួកគេទាំង១៣.....
ថៃ៖ ក្រោយពីផ្ទុះរឿងក្មេងៗកីឡាករទាំង១២នាក់និងគ្រូបង្វិកម្នាក់ មួយរយៈពេលមកនេះ ហើយបច្ចុប្បន្នខាងមន្ទីរពេទ្យ បានអនុញ្ញាតឲ្យចេញពីមន្ទីរពេទ្យ ក៏បានបង្ហាញមុខជាថ្មី ក្នុងសន្និសីទកាសែត ជាសាធារណៈ កាលពីថ្ងៃពុធដែល ត្រូវបានផ្សាយឲ្យបានដឹងនៅជុំវិញពិភពលោក។ ជាពិសេសចំពោះចម្លើយឆ្លើយតបទាក់ទងពីការជាប់ក្នុងរូងភ្នំរយៈពេល៩ថ្ងៃ មុនពេលបានចេញមកដោយការរុករកឃើញក្រុមបាល់ទាត់ក្មេងៗទាំងនេះ គឺពួកគេមិនមានអាហារសម្រាប់បរិភោគនោះទេ គឺពួកគេបានត្រឹមតែហូបទឹកដែលហូរតាមជញ្ជាំងថ្មល្អាងភ្នំតែប៉ុណ្ណោះ។
ក្នុងចំណោម១៣នាក់ ដែលមានម្នាក់ ជាគ្រូបង្វឹកបាល់ទាត់ក្មេងៗទាំងនោះ បានប្រាប់ក្នុងសន្និសីទកាសែតថា ក្មេងៗទាំង១២នាក់នោះអាចនឹងទៅបួស ដើម្បីជាការសងគុណដល់ ទាហានជើងទឹកថៃម្នាក់ ជាវីរៈបុរសរបស់ពួកគេ ដែលបានបូជាជីវិតក្នុងបេសកកម្មជួយសង្គ្រោះពួកគេនោះ។ គួរបញ្ចាក់ផងដែរថា លោកនាយករដ្ឋមន្ត្រីថៃ ប្រាយុទ្ធ ចាន់អូចា ក៏បានព្រមានចំពោះបណ្ដាអ្នកកាសែត ចៀសវាងកុំសួរសំណួរមិនសំខាន់ទាំងឡាយ ចំណែកឯក្រុមគ្រូពេទ្យក៏បានណែនាំប្រាប់ម្តាយឪពុករបស់ក្មេងៗទាំងនោះផងដែរថា មិនគួរឲ្យអ្នកកាសែតជួបក្មេងៗយ៉ាងហោចណាស់ឱ្យបាន១ខែ ក្រោយការធ្វើសន្និសីទនេះ ៕
ហាមដាច់ខាតការយកអត្ថបទ ពីវេបសាយ khmernews.news ដោយគ្មានការអនុញាត។