ភ្នំពេញ៖ សមត្ថកិច្ចចាប់ឃាត់ខ្លួនជនសង្ស័យ២នាក់ ដែលបានធ្វើសកម្មភាពឆក់ យ៉ាងសកម្មនៅ​ភ្នំពេញ កាលពីថ្ងៃទី២៣ ខែមេសា ឆ្នាំ២០១៨ ដែលហេតុការណ៍នេះបានកើតឡើងនៅចំណុច សំណាក់​អង្គរ​ពេជ្រ ម្តុំ​ត្រពាំង​ឈូក ហៅ​ភូមិ​បុរី​កម្មករ សង្កាត់​ទឹកថ្លា ខណ្ឌ​សែន​សុខ រាជធានី​ភ្នំពេញ ។

ជនសង្ស័យទី១.ឈ្មោះ ឈ្មោះ សុខ ឧ​ត្ត​ម ភេទ​ប្រុស អាយុ១៥ឆ្នាំ ជា​អ្នកធ្វើ​សកម្មភាព​ឆក់ មុខរបរ មិន​ពិតប្រាកដ ស្នាក់នៅ​ម្តុំ​ភូមិ​បុរី​កម្មករ ហៅ​ត្រពាំង​ឈូក សង្កាត់​ទឹកថ្លា ខណ្ឌ​សែន​សុខ រាជធានី​ភ្នំពេញ ជិះ​ម៉ូតូ​ស៊ុយ​ហ្សី​គី​នី​ច ពណ៌​ក្រហម​លាយ​ខ្មៅ គ្មាន​ស្លាក​លេខ ដែល​បានធ្វើ​សកម្មភាព​ឆក់​កាបូប​នៅ​ម្តុំ​វត្ត​ព្រះពុទ្ធ​មានបុណ្យ ស្ថិតនៅក្នុង​សង្កាត់​វាលវង់ ខណ្ឌ៧មករា រាជធានី​ភ្នំពេញ កាលពី​ថ្ងៃទី១៧ ខែមេសា ឆ្នាំ២០១៨ ។ ជនសង្ស័យទី២. ឈ្មោះ សា​ម៉េ​ត តូ​ម៉ា​ដា​លី ភេទ​ប្រុស អាយុ១៦ឆ្នាំ មុខរបរ មិន​ពិ​ប្រាកដ រស់នៅ​ផ្លូវ​បេតុង សង្កាត់​គោក​ឃ្លៀង ខណ្ឌ​ពោធិ៍​សែន​ជ័យ រាជធានី​ភ្នំពេញ។ បច្ចុប្បន្នជនសង្ស័យទាំងពីរនាក់ ត្រូវបានសមត្ថកិច្ចបញ្ជូនខ្លួនទៅអធិការដ្ឋានរង់ចាំ បញ្ជូនខ្លួនតុលាការ៕ ដោយ៖ និស្ស័យ