រថយន្តម៉ាកកា​ម​រី​ឆ្លាម មួយគ្រឿងបុករ៉ឺម៉ក បណ្តាលអោយបុរសម្នាក់រងរបួសយ៉ាងធ្ងន់ធ្ងរ ចំណែករថយន្តវិញធ្លាក់...
-

​តាកែវ ​៖​ កាលពីវេលាម៉ោង ១២យប់ ឈានចូល​ថ្ងៃទី២៤ ខែមេសា ឆ្នាំ​២០១៨ រថយន្ត​កាមរី​ឆ្លាម​មួយ​គ្រឿង​ បានរ៉េចង្កូតធ្លាក់ទឹក​ប្រឡាយ​ក្រោម​ស្ពាន បន្ទាប់ពី​បើក​បុកនិង​ម៉ូតូ​សណ្ដោង​រ៉ឺម៉ក​ដឹក​ភេសជ្ជៈ​មួយគ្រឿង ស្ថិតនៅ​ចំណុច​ភូមិ​ធ្នង់​រលើ​ង ឃុំលាយ​បូរ ស្រុក​ត្រាំកក់ ខេត្តតាកែវ។

រថយន្ត​បង្ក​ប្រភេទ​កា​ម​រី​ឆ្លាម ​ពាក់​ស្លាក់​លេខ ភ្នំពេញ 2N-3955 ​បើក​ប៉ះ​ជាមួយនិង​ម៉ូតូ​រ៉ឺម៉ក​ ហើយ​ក៏​រ៉េចង្កូត​ជ្រុល​ធ្លាក់ចូល​ទៅក្នុង​ប្រឡាយទឹកក្រោម​ស្ពាន​តែម្តង​ ដែលបើកបរដោយឈ្មោះ ជា សារិន ភេទ​ប្រុស អាយុ​៣៧ឆ្នាំ រស់នៅ​ភូមិ​ថ្នល់​បែក សង្កាត់​រកា​ក្រៅ ក្រុង​ដូន​កែវ មុខរបរ​ជា​មន្ត្រី​ប៉ូលិស រងរបួស​ស្រាល​។
ចំណែក​អ្នក​បើកបរ​ម៉ូតូ​សណ្តោង​រ៉ឺម៉កមានឈ្មោះ ស្វាយ មករា ភេទ​ប្រុស អាយុ​២៥ឆ្នាំ រងរបួស​ធ្ងន់ ​និង​អ្នក​រួម​ដំណើរ​ម្នាក់​ឈ្មោះ ង៉ែត ទន់ ភេទ​ប្រុស អាយុ​២៥ឆ្នាំ រងរបួស​ធ្ងន់​។ ក្រោយពេលកើតហេតុ សមត្ថកិច្ចបានធ្វើការស្ទូចរថយន្តពីប្រឡាយទឹក បញ្ជូនរថយន្តនិងម៉ូតូទៅអធិការដ្ឋាន ដើម្បីរង់ចាំធ្វើការដោះស្រាយតាមច្បាប់៕ ដោយ៖ អាឆើត