តាកែវ៖ លោក ដួង សុខគា ដែលគ្រប់មជ្ឈដ្ឋានស្គាល់ច្បាស់ថា ជាសិល្បករពហុជំនាញ​ទាញដោយ​សំនួនវោហារ​ស័ព្ទ ចាប់តាមក្បូនកំណាព្យកាព្យឃ្លោងយោងដោយចំណេះដឹងអក្សរសាស្រ្តខ្មែរ ស្រាប់តែធ្វើឲ្យមាន​ការភ្ញាក់​ផ្អើល​ពេញបណ្តាញសង្គមនិងវិថីសិល្បៈផង ពីសារប្រកាសអំពាវនាវរក​បុរសម្នាក់ជាសម្លាញ់​របស់លោកតាំង​ពី​រៀន​​​ថ្នាក់បឋមលុះជាប់ជាគ្រូបង្រៀន ។ បង្ហាញពីសារបង្ហាញពីការរក្សាជំហ៊ មិត្តភក្កិល្អ ទោះពេលនេះ​លោក ក៏ ក្លាយជាតារាសិល្បៈ លើសពីងារពហុជំនាញ ក៏មានអ្នកខ្លះថា លោក ក៏ជាអ្នកចម្រៀងអាយ៉ៃ ស្នង លោកតា ព្រហ្មម៉ាញផងនោះ លោក ដួង សុខគា ក៏បាន​បង្ហាញរូបថតបុរសជាមិត្តរបស់លោក ភ្ជាប់មកជាមួយ សាររៀប រាប់ដែលមហាជនមិននឹកស្មានដល់។ ដោយសារ​នោះ លោក សុខគា រៀបរាប់ថា « គាត់ឈ្មោះ ញាល់ នួន បែក គ្នាម្ភៃឆ្នាំហើយ»។ ក្នុងសារនោះ លោក សុខគា ក្លាយជាតារាចម្រៀងនិង ពិធីរល្បីរូបនេះក៏បាន ពោល បន្តថា« និយាយរួមតាំងពីចេញ​ពីវិទ្យាល័យ​សម្តេច​ឪតា​កែវ។

កាលនៅរៀនជីវិតគាត់កម្សត់ណាស់ ដើរស៊ីឈ្នួលរែកដី, ចងសន្ទូច, ធ្វើអន្លង់, ដកស្ទូង យកលុយមករៀន។ ពេលនោះគាត់ជាសិស្សពូកែម្នាក់, ហើយក៏បានប្រឡងជាប់ជាគ្រូបង្រៀន»។ ក្នុងសារដែល​រៀបរាប់ពីជីវិត​មិត្ត​សម្លាញ់ ដ៏គួរឲ្យមហាជនជក់ចិត្តនិងយកជាគំរ៉ូតាម ក្នុងនាមជាក្មេងចេះទ្រាំនិងការតស៊ូនោះ តែអ្វីដែល​ធ្វើឲ្យ​មហាជនក៏រឹតតែក្តុកក្តូលអាណិតដល់មិត្តភក្កិលោកសុខគា បន្ថែមលើជីវិតកម្សត់ ។ ខណៈ សុខគា បែរបាន​ជាបង្ហាញថា « ពេលដែលចេញបង្រៀនមិនទាន់ទាំងបានប្រាក់ខែផងគាត់ក៏ក្លាយជាបែបនេះ(បាត់បង់សតិ) មិនក្រោមដប់ឆ្នាំទេ។ គាត់ត្រេចចរគ្រប់ទិសទី អាស្រ័យជីវិតដោយវត្តឬញាតិមិត្តអាណិតមេត្តា។ ពេលនេះគាត់​ក៏មិនដឹងដើរទៅដល់ណា»។ ក្នុងនោះដែរ លោក សុខគា មិនរើសអើលនិងមិនភ្លេចអនុស្សាវរីយ៍ជា​មួយមិត្តភក្កិដែលបាត់បង់​សតិនោះ​លោក​​បង្ហាញថា« ក្រុមអតីតសិស្សវិទ្យាល័យសម្តេចឪ(តាកែវ) មានគម្រោងជួយគាត់ តែរកគាត់​មិនទាន់​ឃើញ​។ បងប្អូនណាបានឃើញគាត់ដូចក្នុងរូបថតជួយផ្តល់​ព័ត៌មានមកខ្ញុំផងតាមរយៈ​លេខទូរស័ព្ទខ្ញុំ០៧៨ ៧៧៧ ៥៨១៕ ប្រភព៖ dara-news