កម្សាន្ត ៖ ដូចដែលប្រិយមិត្តបានដឹងហើយថា Miss Grand Cambodia ២០២២ ពេជ្រ វត្តីសារ៉ាវឌ្ឍី កំពុងធ្វើឱ្យមហាជនអ្នកគាំទ្រខ្មែរសែនរំភើបចិត្ត និង មានមោទកភាពយ៉ាងខ្លាំងជាមួយនឹងការខិតខំប្រឹងប្រែងបង្ហាញសមត្ថភាពប្រកួតលើឆាកអន្តរជាតិនេះបានយ៉ាងល្អខ្លាំង ដែលអាចឈានជើងចូលដល់ Top ១០ ដោយសមត្ថភាព និង ទទួលបានមកុដជាជ័យលាភីលំដាប់រងទី ៥ នៃកម្មវិធី Miss Grand International ២០២២ ផងដែរ។
ក្រោយពេលចប់ការប្រកួត និងចេញពីប្រទេសឥណ្ឌូនេស៊ី ហោះមកប្រទេសថៃ បវរកញ្ញា ពេជ្រ វត្តីសារ៉ាវឌ្ឍី មិនទាន់បានត្រឡប់មកទឹកដីកំណើតវិញឡើយ ដោយកញ្ញាកំពុងតែសាងប្រជាប្រិយភាពនៅប្រទេសថៃ កំពុងទទួលបានការគាំទ្រ យ៉ាងច្រើនសន្ធឹកសន្ធាប់ ពេលនាងឈានជើងដល់ទឹកដីប្រទេសថៃភ្លាម មានតែសំលេងគាំទ្រ ពេញប្រទេសតែម្តង។
ជាក់ស្តែងនៅកាលពីពេលថ្មីៗនេះផ្ទុះការចាប់អារម្មណ៍យ៉ាងខ្លាំង ទៅលើរូបថតប៉ុន្មានសន្លឹករបស់ បវរកញ្ញារូបនេះ បន្ទាប់ពីនាងបានបង្ហាញខ្លួននៅក្នុងរ៉ូបពណ៍សមួយមើលទៅមានសម្រស់ពិតជាស្រស់ស្អាត ដូចជាទេពធីតាខ្លាំងណាស់ ក្រោយបង្ហាញខ្លួននៅក្នុងឈុតមួយនេះ បានធ្វើឲ្យមហាជនលាន់មាត់សរសើរពីសម្រស់របស់ Miss Grand Cambodia ២០២២ ពេជ្រ វត្តីសារ៉ាវឌ្ឍី មិនដាច់ពីមាត់ផងដែរ៕
