កម្សាន្ត ៖ ដូចដែលប្រិយមិត្តបានដឹងហើយថា ពេលនេះសង្គ្រាមរ៉េបនៅក្នុងស្រុកខ្មែរកំពុងតែឡើងកម្តៅខ្លាំង បន្ទាប់ពីតារារ៉េប ជី ដេវីត បានទម្លាក់ចម្រៀងរបស់ខ្លួនដែលជាចំណងជើងថា« ចុមអាអូនអត់ដេក » ដែលជាការឆ្លើយតបទៅកាន់បទ J+O 2 របស់តារាចម្រៀងរ៉េបលោក វណ្ណដា ។
យ៉ាងណាមិញក្រោយឃើញប្អូនទាំងពីរកំពុងតែដើរផ្លូវខុស ស្រាប់តែឌីជេ ក្តឹប ដែលជាតារារ៉េបជើងចាស់ប្រចាំស្រុកខ្មែរ ហើយក៏ត្រូវជារាមច្បង បានចេញមកបង្ហោះសារដាសតឿនទៅកាន់អ្នកទាំងពីរដូច្នេះថា ៖ « ភាពល្បីល្បាញជោគជ័យ វាមិនអាចគង់វង្យឋិតថេរនោះទេ ប្រសិនបើប្អូនៗមិនចេះថែរក្សា។
ដូច្នេះ!ការភ្លេចខ្លួនបូកជាមួយនឹងភាពជោគជ័យនៃមហិច្ឆតាក្នុងភាពយុវវ័យ វានឹងពាំនាំអារម្មណ៍របស់ប្អូនៗឈានជើងដើរទៅរកភាពអំនួតដោយមិនដឹងខ្លួន(ព្រោះកំហឹងការខឹងនិងការចង់ឈ្នះចាញ់) ហើយនៅក្នុងសំណេរ១នេះបងចង់ដាស់ តឿនឲ្យប្អូនៗចងចាំថា"ដោយសារតែបងធ្លាប់ក្មេង/តែប្អូនៗមិនធ្លាប់ចាស់"ទើបបងសង្ឃឹមថាក្រោយពេលប្អូនៗបានស្គាល់ខ្លួនឯងកាន់តែច្បាស់ប្អូនៗនឹងផ្លាស់ប្ដូរផ្នត់គំនិត ផ្លាសប្តូរ ការគិត រួចហើ៏់យរិះរកវិធីរួបរួមគ្នាដើម្បីលើកស្ទួយវិស័៏យតន្រ្តីបទចម្រៀងខ្មែរអោយអាចស្គាល់ពាក្យថា:" កម្មសិទ្ធិបញ្ញា" ពេលលេញផងណាប្អូនដោយក្តីគោរពពីបង K.D.E.P ក្មេងស្រលាញ់ការតែងនិពន្ធ"» ៕
