ប្រិយមិត្តប្រាកដជាបានដឹងហើយថាតារាចម្រៀងស្រីដ៏ល្បីឈ្មោះ ពេជ្រ សូលីកា បានចែកផ្លូវគ្នាជាមួយនិងស្វាមីអស់រយៈពេលជាច្រើនខែមកហើយ ដោយបានបន្សល់កូនប្រុសម្នាក់ជាចំណងដៃនៅក្នុងជីវិតស្នេហារបស់អ្នកទាំងពីរផងដែរ ។
យ៉ាងណាមិញក្រោយមានការលែងលះគ្នាអស់រយៈពេលជាច្រើនខែមកនេះ សម្រាប់តារាស្រីមេម៉ាយកូនមួយរូបនេះនៅមិនទាន់បើកចិត្តទទួលយកបុរសណាម្នាក់មកស្អំបេះដូងនោះទេ ហើយនេះប្រហែលមកពីនាងមានការប៉ះទង្គិចផ្លូវចិត្តជាខ្លាំងពេកបន្ទាប់ពីមានរឿងលែងលះនេះឡើង ។
ដោយឡែកនៅកាលពីពេលថ្មីៗនេះស្រាប់តែ អ្នកគាំទ្រសង្គេតឃើញថា ពេជ្រ សូលីកា បានបង្ហោះសារនៅលើគណនីហ្វេសប៊ុករបស់នាងដូច្នេះថា «ចង់មានថ្មីដែរ តែខ្លាចខ្លួនឯងលែងចេះស្មោះ»។ ចំពោះការលើកឡើងយ៉ាងខ្លីក្នុងន័យលេងសើចបែបនេះ បានធ្វើឲ្យសុភាពបុរសទាំងហាក់បីមានទឹកមាត់លេបឡើងវិញ ព្រោះបានន័យថា ពេជ្រ សូលីកា នៅតែបន្តបើកបេះដូងទទួលយកបុរសណាដែលនាងគិតថា អាចរួមសុខរួមទុក្ខជាមួយនាងទៅថ្ងៃខាងមុខបាន ៕
