ដៃឪពុកប្រឡាក់ប្រេងម៉ាស៊ីនជានិច្ច ត្រឹមជាអ្នកប៉ះកង់ តែអាចបំពេញបំណងកូនៗ រៀនបានខ្ពង់ខ្ពស់ ថែមទាំងចិញ្ចឹមកូនរហូតដល់….

គេតែងនិយាយថា គ្មានការងារអ្វីពិបាកជាងធ្វើឪពុក-ម្តាយគេឡើយ តែទោះបីជាការងារនេះវាពិបាកប៉ុនណា នឿយហត់យ៉ាងណា ត្រូវរងនូវការឈឺចាប់យ៉ាងណា ហើយត្រូវញាំញីដោយទុក្ខវេទនាយ៉ាងណា ឬ ត្រូវសម្រក់ទឹកភ្នែកយ៉ាងណា ក៏ម៉ែ-ពុកនៅតែអាចធ្វើបានដើម្បីកូន គឺមិនរួញរាឡើយ ព្រោះម៉ែ-ពុកសប្បាយចិត្តពេលមានកូននៅក្បែរ ។

ឪពុកម្តាយតែងទុកកូនៗជាមុនស្សទីមួយ និង ស្រឡាញ់កូនៗគ្មានលក្ខខណ្ឌ ពេលខ្លះទោះបីជាមិនបង្ហាញចេញមកខាងក្រៅពិតមែន ប៉ុន្តែតាមរយៈកាយវិការគឺបានបញ្ជាក់យ៉ាងច្បាស់ ដែលអ្នកជាកូនៗអាចសង្កេតបាន នោះអ្នកនឹងដឹងថាឪពុកម្តាយអ្នកស្រឡាញ់អ្នកខ្លាំងកម្រិតណា ។

យោងតាមគណនីហ្វេសប៊ុករបស់ឈ្មោះ Ratana Ke ដែលជាកូនបានបង្ហោះសាររៀបរាប់ពីទឹកចិត្តឪពុកដែលមានចំពោះកូន រហូតដល់កូនមានថ្ងៃនេះ “ដៃឪពុកខ្ញុំមិនស្អាតដូចគេ តែងប្រលាក់ដោយប្រេងម៉ាស៊ីនជានិច្ចស្បែកឪពុកខ្ញុំមិនសស្អាតទេមុខ និងដៃជើងគាត់សំបូរតែស្លាកស្នាមរបួសចាស់ដែលបន្សល់ពីគ្រោះថ្នាក់ពីការងារជាងរបស់គាត់ ខ្ញុំមិនដែលលឺគាត់រអ៊ូរថាហត់ លំបាក ព្រោះគាត់ជាឪពុកដែលមានកូន9នាក់ក្នុងបន្ទុក ហើយអោយកូនៗបានរៀនខ្ពស់ខ្ញុំមិនដែលខ្មាស់គេទេជាកូនអ្នកប៉ះកង់ទេ វាជាមោតនភាព ដែលឪពុកម្តាយយើងក្រហើយ អាចអោយយើងរៀចប់ដុកទ័របានទៀត”។

នៅមានជាច្រើនទៀតដែលឪពុកម្តាយតែងតែធ្វើសម្រាប់កូនតាមរយៈកាយវិការ ដោយទាំងអស់នោះសុទ្ធតែបង្ហាញពីក្តីស្រឡាញ់ពេញបេះដូងរបស់គាត់ ចំពោះកូនៗ ។ ចូលចាំថា ឪពុកម្តាយស្រឡាញ់កូនគឺគ្មានលក្ខខណ្ឌទេ ដូច្នេះចូរស្រឡាញ់ម្តាយអ្នកឱ្យបានច្រើន និង នាំភាពសប្បាយរីករាយឱ្យបានច្រើនដូចគ្នាដែរ ៕