ពេលនេះ មានកងកម្លាំងការពារនៅតំបន់ក្រហមជាង ៨០ នាក់បានឆ្លងកូវីដ១៩

ភ្នំពេញ៖ លោក ឆាយ គឹមខឿន អគ្គស្នងការរងនគរបាលជាតិ បានធ្វើការលើកឡើងថាពេលនេះមានកងកម្លាំងប្រដាប់អា វុ ធ ជាង៨០នាក់ ដែលបានឈរជើងប្រចាំការនៅតំបន់ក្រហម បានឆ្លងកូវីដ-១៩ លោកបានបញ្ជាក់ថាចំពោះការឆ្លងនេះលោកនៅមិនទាន់ដឹងពីមូលហេតុនៃការឆ្លងពិតប្រាកដនៅឡើយទេ។

លោក ឆាយ គឹមខឿន បានបន្តឲ្យដឹងទៀតថាចំពោះ កងកម្លាំងប្រដាប់អា វុ ធ ជាង៨០នាក់ដែលបានរកឃើញថាឆ្លងជំងឺកូវីដ១៩នោះពួកគាត់ប្រចាំការនៅតំបន់ចំណុចច្រមុះជ្រូក ស្ទឹងមានជ័យ រាជធានីភ្នំពេញ ពេលនេះពួកគាត់ត្រូវបានក្រុមគ្រូពេទ្យដឹកយកទៅព្យាបាលអស់ហើយ ក្នុងពេលនេះដែរ អនុគណៈកម្មការស្រាវជ្រាវជំងឺកូវីដ-១៩ កំពុងពិនិត្យលើករណីឆ្លងនេះ ហើយធ្វើតេស្តលើកងកម្លាំងផ្សេងទៀតជាបន្ទាន់បំផុត ។

បើតាមក្រសួងសុខាភិបាលនៅថ្ងៃនេះ បានប្រកាសរកឃើញអ្នកឆ្លងជំងឺកូវីដ១៩ថ្មី ចំនួន៥០៦នាក់ករណីឆ្លងក្នុងសហគមន៍ចំនួន៤៩៥នាក់ និងអ្នកដំណើរមកពីបរទេសចំនួន១១នាក់អ្នកជាសះស្បើយចំនួន១៧៩និងស្លាប់ចំនួន៦នាក់ ក្នុងនោះនៅរាជធានីភ្នំពេញមានឆ្លងថ្មីចំនួន២៣០នាក់។ ប្រភព៖ ThmeyThmey