ក្រោយបង្ហោះវីដេអូធ្ងន់ៗទៅកាន់ក្រសួងព័ត៌មាន ស្រាប់តែលោក ផែង វណ្ណៈ ចេញមុខនិយាយទៅកាន់ K01 បែបនេះថា….(មានវិដេអូ)

រូបថតនេះ គឺថតនៅផ្ទះខ្ញុំថ្ងៃទី ១៥ ខែ កញ្ញា ឆ្នាំ ២០១៧ ដែល K01 និង ប្រពន្ធរត់មករកអោយខ្ញុំជួយបន្ទាប់ពី សមត្ថកិច្ច និង តុលាការខេត្តកណ្ដាលរកចាប់ខ្លួនពីបទផ្សាយព័ត៌មានញុះញង់ នៅក្រុងតាខ្មៅ ខេត្ត កណ្ដាល ។ ដោយអាណិតខ្ញុំបានអន្តរាគមន៍ទៅសមត្ថកិច្ចនគរបាល និង ថ្នាក់ដឹកនាំក្រសួងយុត្តិធម៌ ដេីម្បីកុំអោយមានការចាប់ខ្លួន ឃុំខ្លួន K01 ទុកឱកាសអោយគាត់កែខ្លួន ។

បន្ទាប់មកនៅថ្ងៃទី ៤ ខែ មិនា ឆ្នាំ ២០២០ K01 បានពាក់អាវភ្លៀងទៅ Live Video មុខមន្ទីរពេទ្យមិត្តភាពខ្មែរសូវៀត ពាក់ព័ន្ធនឹងអ្នកជំងឺម្នាក់ ដែល K01 ថាជាអ្នកជំងឺ កូវីដ ។ ពេលនោះ សមត្ថកិច្ច បានទាក់ទងមកខ្ញុំដេីម្បីចង់ទៅនាំខ្លូន K01 ។ ខ្ញុំក៏សុំទុកឱកាសអោយ K01 ម្ដងទៀត ។

ចំពោះកំហុសលេីកនេះ មានតែច្បាប់ទេដែលអាចចាប់បង្ខំអោយ K01 កែប្រែបានខ្លះ ។ ថ្នាក់ដឹកនាំ និង ក្រសួងព័ត៌មាន បានទុកឱកាសអោយហេីយដេីម្បីកែខ្លួន ដោយគ្រាន់តែលប់អាជ្ញាប័ណ្ណតែប៉ុណ្ណោះ ។ ឥលូវ K01 បែជាចេញមកឌឺថ្នាក់ដឹកនាំ និង ប្រមាថមកលេីក្រសួងព័ត៌មាន យ៉ាងធ្ងន់ធ្ងរបំផុត ។ ករណីនេះប្រហែលគេចមិនផុតពីចំណាត់ការផ្លូវច្បាប់ទេ។

នៅថ្ងៃទី១១ ខែមេសា ឆ្នាំ២០២១ គេបានឃើញវីដេអូមួយដែលបានបង្ហោះសារអំពីលោក K01 ដែលនិយាយពាក្យធ្ងន់ៗទៅកាន់ក្រសួងព័ត៌មានថា គួរតែដកអាជ្ញាប័ណ្ណយូរហើយ ទុកនាំតែចង្អៀតក្រសួងទេ ហើយថែមទាំងនិយាយថា សព្វថ្ងៃនេះ មិនមែនរស់ដោយសារអាជ្ញាប័ណ្ណមួយនេះដែរ វីដេអូនេះត្រូវនិយាយចេញពីក្នុងឡានដែលកំពុងបើកបរ៕ ចង់ជ្រាបច្បាស់សូមទស្សនាវីដេអូដូចខាងក្រោម៖