អាពាហ៍ពិពាហ៍គឺជាភស្តុតាងបញ្ជាក់ពីសេចក្តីស្រឡាញ់ និងជាចំណងមួយដែលមានសារៈសំខាន់ក្នុងជីវិតគូស្វាមីភរិយា ហើយការរៀបពិធីមង្គលការដើម្បីស្តែងចេញជាភស្តុតាងនៃសេចក្តី ស្រឡាញ់នោះ ត្រូវបានបែងចែកទៅតាមសន្តាន នៃការប្រតិបត្តិសាសនាផ្សេងៗគ្នាផង ដែរ។ ក្នុងរដូវកាលដែលប្រជាពលរដ្ឋខ្មែរកំពុងដឹកដៃគ្នាចូលរោងការ ក៏មានបងប្អូនជនជាតិរអ៊ិស្លាមរៀបការកូនក្រមុំ កូនកំលោះ ធ្វើតែតាមប្រពៃណីខ្មែរ និងអ៊ិស្លាម។
ក្នុងនោះដែរ ក៏គេឃើញបងប្អូនជនជាតិរអ៊ិស្លាម ក៏បាននិមន្ដព្រះសង្ឃមកកាន់ផ្ទះរបស់ខ្លួន ហើយប្រគេនចង្ហាន់ដល់ព្រះសង្ឃ ប៉ុន្ដែពេលនេះ ស្រាប់តែមានរូបភាពជាច្រើនសន្លឹក ត្រូវបានគេបង្ហោះ ហើយស៊ែរតគ្នាព្រោងព្រាត អំពីការរៀបចំមង្គលការកូនក្រមុំ កូនកំលោះរបស់បងប្អូនអ៊ិស្លាម ដែលបាននិមន្ដព្រះសង្ឃទៅឆាន់ចង្ហាន់ដល់ផ្ទះរៀបចំមង្គលការ។
យ៉ាងណាមិញ យោងតាមគណនីហ្វេសប៊ុករបស់ឈ្មោះ កុំបន្ទោសវាសនា កុំតវ៉ានឹងអាចារ្យវត្ដ ក៏បានបង្ហោះសាររៀបរាប់ថា“#រឿងសាសនាណា ក៏ដូចសាសនាណាដែរ គឺព្រះនិមួយៗចង់អោយមនុស្សសត្វ ធ្វើល្អ មិនចង់អោយធ្វើអាក្រក់នោះទេ?សាសនាមិនចេះប្រកាន់គ្នាទេ តែអ្នកដែលប្រកាន់នឹងរើសអើងគឺជាមនុស្ស ដែលអាត្មានិយម”៕