ឧត្តរមានជ័យ ៖ វីដេអូមួយត្រូវបង្ហោះជាសាធារណៈ ខណៈបុរសម្នាក់ដែលត្រូវពូរបស់កូនកំលោះ បាននិយាយរៀបរាប់អំពី ថ្ងៃរៀបមង្គលការរបស់កូនកំលោះ ស្រាប់តែកូនក្រមុំរត់ចោលរោងការទៅយកបុរសផ្សេងដែលត្រូវសង្សារនឹងគ្នា កូនកំលោះបានយំបោកខ្លួនព្រោះតែមិនគួរឲ្យជឿថា កូនក្រមុំហ៊ានធ្វើបែបនេះដាក់ខ្លួន។
នៅក្នុងវីដេអូយោងតាមគណនីទីកតុករបស់ពូកូនក្រមុំ ដែលមានឈ្មោះថា “បងពុំឧត្តរមានជ័យ” មិនមែនជារឿងប្រឌិតទេ ខណៈដែលត្រូវជាពូអាណិតក្មួយពេក ក៏បានបង្ហោះវីដេអូនេះឡើង ក្នុងគោលបំណង សូមនារីៗដែលមិនបានស្រលាញ់គេផង ហេតុអ្វីធ្វើបាបចិត្ត រត់ចោលកូនកំលោះទៅតាមសាហាយ រឿងនេះកើតឡើង កាលពីថ្ងៃទី២៤ ខែមករា ឆ្នាំ២០២១ នៅស្រុកចុងកាល់ ខេត្តឧត្តរមានជ័យ។
យ៉ាងណាមិញ នៅក្នុងវីដេអូនេះដែរ កូនកំលោះក៏បានបញ្ចេញមតិខ្លះៗជុំវិញរឿងរបស់ខ្លួន ដែលនិយាយថា“ចង់បានប្រពន្ធផ្សេងទៀត បើស្រីសហាយគេ ខ្លួនមិនយកនោះទេ។ ចំពោះករណីនេះ ខាងកូនប្រុស សុំត្រឹមយកបណ្ដាការចំនួនជាង១០ម៉ឺនបាតមកវិញប៉ុណ្ណោះ ហើយក្រោយពីការចរចាគ្នា ទីបំផុតខាងកូនស្រី ក៏យល់ព្រមឲ្យបណ្ដាការនេះវិញនៅថ្ងៃទី២៥ ខែមករា ឆ្នាំ២០២១នេះ”។
ចំពោះវីដេអូជាច្រើនដែលត្រូវបានពូរបស់កូនកំលោះបង្ហោះនោះ ក៏បានមហាជនជាច្រើនអាណិតអាសូរ ជាពិសេសនោះខ្មាសសាច់ញាតិ ដែលកំពុងមកជុំជិតនៅក្នុងកម្មវិធីមង្គលការនេះផងដែរ។ ក្រោយពីការលើកទឹកចិត្តពីសំណាក់ពូរួចមក កូនកំលោះ បានតាំងស្មារតី និយាយបញ្ជាក់ជំហររបស់ខ្លួនថា មិនស្ដាយស្រណោះចំពោះកូនក្រមុំនោះឡើយ៕
សូមទស្សនាវីដេអូខាងក្រោម៖