អ្នកជំងឺម្នាក់បានជិះឡានទៅលេងស្រុក នៅខេត្តព្រៃវែង មុនដឹងខ្លួនថាឆ្លងកូវីដ១៩
ព្រៃវែង ៖ នៅកាលពីថ្ងៃទី២៨ វិច្ឆិកា ២០២០ អ្នកជំងឺជកូវីដ១៩ ម្នាក់បានធ្វើដំណើរទៅលេង ស្រុកកំណើតនៅភូមិជ័យឧត្តម ឃុំព្រែកខ្សាយ (ក) ស្រុកពាមរក៍ ខេត្តព្រៃវែង ក្រោយមកបានវិលត្រឡប់មកភ្នំពេញវិញនៅថ្ងៃ ២៩ ខែវិច្ឆិកា ២០២០ តាមរថយន្តបងប្អូនជីដូនមួយដោយមានគ្នា ០៤ នាក់ ។ ពេលទៅដល់ស្រុកកំណើតអ្នកជំងឺម្នាក់នេះបានប្រាស្រ័យទាក់ទងមនុស្សជាច្រើន ក្រោយមកតេស្តឃើញថាវិជ្ជមានវិរុសកូវីដ ១៩។
ស្រ្តីនេះបានប៉ះពាល់មនុស្សជាច្រើនមានទាំំងឪពុកម្តាយនិងសាច់ញាតិដទៃទៀត។ រហូតដល់ថ្ងៃ ០៣ ធ្នូ ២០២០ អាជ្ញាធរស្រុកពាមរក៍ខេត្តព្រៃវែង និងការិយាល័យប្រតិបត្តិសុខាភិបាលប្រចាំស្រុកបានចុះស្រាវជ្រាវ ដោយរកអ្នកពាក់ព័ន្ធចំនួន ២២ នាក់ ដើម្បីយកវត្ថសំណាកទៅពិនិត្យ៕
ហាមដាច់ខាតការយកអត្ថបទ ពីវេបសាយ khmernews.news ដោយគ្មានការអនុញាត។