ភ្នំពេញ៖ បុរស២នាក់បេីករថយន្តសណ្ដោងដឹកទំនិញបុករបាំងថ្មពុះចែកទ្រូងផ្លូវបណ្ដាលឲ្យរងការខូចខាតទាំងរថយន្តនិងរបាំងថ្មយ៉ាងដំណំតែសំណាងល្អមិនបណ្ដាលឲ្យនរណាម្នាក់រងគ្រោះថ្នាក់នោះទេ។
ហេតុនេះបានបង្កឲ្យមានការភ្ញាក់ផ្អើលឡើងកាលពីវេលាម៉ោង១២និង៤០ នាទីយប់រំលងអាធ្រាត្រឈានចូលថ្ងៃទី១៨ ខែកុម្ភះ ឆ្នាំ២០១៩ដែលមានទីតាំងស្ថិតនៅតាមបណ្ដោយផ្លូវព្រះមុន្នីរ៉េត ចំណុចមុខវត្តស្ទឹងមានជ័យស្ថិតក្នុងសង្កាត់ស្ទឹងមានជ័យទី ២ខណ្ឌមានជ័យ ក្រុងភ្នំពេញ។
បេីតាមប្រភពព័ត៌មានពីកន្លែងកើតហេតុបានប្រាប់ឲ្យដឹងថាមុនពេលកើតហេតុគេឃើញរថយន្តធុនធំប្រភេទសណ្ដោងភ្លៅ៤មួយគ្រឿងម៉ាក HYUNDAI ពណ៌សពាក់ស្លាកលេខភ្នំពេញ3D-2861បេីកបរដោយបុរសម្នានិងអ្នករួមដំណើរម្នាក់ទៀតដោយធ្វើដំណើរតាមបណ្ដោយផ្លូវព្រះមុន្នីរ៉េតក្នុងទិសដៅលិចទៅកេីតលុះមកដល់ចំណុចកើតហេតុមុខវត្តស្ទឹងមានជ័យស្រាប់តែរថយន្តខាងលើបានរេចង្កូតងាកមកឆ្វេងដៃក៏ជ្រុលទៅបុករបាំងថ្មពុះចែកទ្រូងផ្លូវបណ្ដាលឲ្យរងការខូចខាតចំនួន៥ផ្ទាំង ចំណែកឯរថយន្តវិញរងការខូចខាតដាច់កាឡេកង់ជំហៀងផ្នែកខាងឆ្វេងបើកទៅមុខលែងរួច។
ក្រោយកើតហេតុសមត្ថកិច្ចមូលដ្ឋានបានចុះមកដល់មកដល់មន្លែងកើតហេតុធ្វេីការទាក់ទងទៅសមត្ថកិច្ចជំនាញដេីម្បីឲ្យចុះមកធ្វើការវាស់វែងយករថយន្តទៅរក្សាទុកនៅការិយាល័យចរាចរណ៍ផ្លូវគោករាជធានីភ្នំពេញដេីម្បីរងចាំដោះស្រាយគ្នាទៅតាមផ្លូវច្បាប់នៅពេលក្រោយ ៕