អាជីពនេះហួសសម័យហើយ វាបានតែសម័យបុរាណតែប៉ុណ្ណោះ!! ក្រុមជនសង្ស័យនាំគាស់កាយផ្នូរសាកសពរកគ្រឿងអលង្កាម្ដងជាពីរដងមិនបានអីសោះ ស្រាប់តែជាប់...
ខេត្តបន្ទាយមានជ័យ ៖ កាលពីថ្ងៃទី១៨ ខែកញ្ញាឆ្នាំ២០១៨ ករណីគាស់កាយផ្នូរសពបុព្វបុរសរកគ្រឿងអលង្ការនគរបាលឃាត់ខ្លួនយុវជនម្នាក់ហើយបញ្ជូនទៅនគរបាលខេត្តបន្ទាយមានជ៏យកសាងសំណុំរឿងបញ្ជូនទៅតុលាការ ។
កម្លាំងនគរបាលការពារបតិកភ័ណ្ឌប្រចាំតំបន់ប្រាសាទបន្ទាយឆ្មារបានឃាត់ខ្លួនជនសង្ស័យឈ្មោះកុច ជំរៀង ភេទប្រុសអាយុ ២៦ឆ្នាំ មានទីលំនៅក្នុងភូមិកសិណឃុំថ្មពួកស្រុកថ្មពួក។ ខណ:កំពុងជីកផ្នូរសពបុព្វបុរសខ្មែរនៅស្ថានីយ៍វាលកប់សពនៅត្រង់ចំណុចគោកស្នួល ខាងជើងភូមិជាលំនៅខ្លួន ។ ប៉ុន្តែបក្ខពួកម្នាក់ទៀតឈ្មោះហូវ អាយុ២៦ឆ្នាំ រស់នៅភូមិជាមួយគ្នាដែលបានជីកដែររត់គេចខ្លួនទាន់។ ជនសង្ស័យសារភាពថា បួនថ្ងៃមុន គេក៏ធ្លាប់បានទៅជីកផ្នូរបុព្វបុរសនៅព្រៃគោកខ្មោចបុរាណគោកតាមោកនៅខាងលិចភូមិផ្សារថ្មី ឃុំគំរូ ស្រុកថ្មពួក ។លើកនោះនិងលើកនេះខ្លួននិងមិត្តភក្តិរកមិនបានអលង្ការ ពិសេសឡតដែលគេពេញនិយម មានតម្លៃនិងត្រូវគេកម្ម៉ង់ទិញនោះឡើយ ។ លោកវរសេនីយ៍ តាប់ សាអ៊ុ ប្រធានអង្គភាពកម្លាំងនគរបាលការពារបតិកភ័ណ្ឌប្រចាំប្រាសាទបន្ទាយឆ្មារ បានឲ្យដឹងថា ក្រៅពីជនសង្ស័យ សមត្ថកិច្ចក៏ចាប់បានវត្ថុតាងមានចបកាប់១ ចបជីក១ ពូថៅ១ ជាដើម។ ជនល្មើស ជីកផ្នូរសពបុព្វបុរសខ្មែររកបន្លុងសពសំណែនឬមរតកសព មានតម្លៃនោះបានស្ងាត់បាត់យូរហើយ ទើបតែមានពេលនេះក៏ត្រូវបង្ក្រាបតែម្តង ៕ ដោយ៖ ភារ៉ា
ហាមដាច់ខាតការយកអត្ថបទ ពីវេបសាយ khmernews.news ដោយគ្មានការអនុញាត។