អីយ៉ា!!! ស្ងាត់ៗ សុគន្ធ និសា ត្រៀមថតរឿងភាគថ្មីមួយបន្ថែមទៀត ក្រោយពីថត«សិសិររដូវក្នុងបេះដូង»ហើយ...
តារាសម្ដែងមុខស្រទន់ ហើយទើបតែរៀបការពេលថ្មីៗនេះ សុគន្ធ និសា កំពុងតែត្រៀមលេចមុខនៅក្នុងរឿងភាគថ្មី ដែលជាការនិពន្ធដោយលោក ខាំ ភូរិ។ ក្រោយពីបានដាក់បញ្ជាំរឿង «សិសិររដូវក្នុងបេះដូង» កន្លងមក ឃើញថាមានការគាំទ្រជាច្រើន ពីសំណាកទស្សនិជន។ ជាពិសេស ថ្មីៗនេះក៏មានការបង្ហើបថាម្ចាស់បទ «មាតាដៃមួយរយ» រូបនេះ ត្រៀមលេចមុខនៅក្នុងរឿងភាគថ្មី ដែលនឹងចាប់ផ្តើមថតនៅក្នុងពេលឆាប់ៗនេះ ប៉ុន្ដែនៅមិនទាន់មានការបង្ហាញប្រាប់ឲ្យដឹងពីចំណងជើងរឿងនៅឡើយទេ។ មានការបន្ថែមទៀតថា ដោយសារ សុគន្ធ និសា មានសម្រស់ស្រស់ស្អាត និងទឹកមុខស្រគត់ស្រគំ ទើបធ្វើឲ្យនាងមានឱកាសក្តោបបានការសម្តែងនៅក្នុងរឿងភាគថ្មីមួយនេះ។ រីឯតួប្រុសសម្ដែងក្នុងរឿងភាគថ្មីនេះ រួមមានលោក ឆន សុវណ្ណរាជ និងលោក ហ្សូណូ ផងដែរ ៕
ហាមដាច់ខាតការយកអត្ថបទ ពីវេបសាយ khmernews.news ដោយគ្មានការអនុញាត។