ករណីលួចយកកំណាត់ឈើ...ឃើញកំណាត់ឈើគេទុកចោល ក្នុងដីឡូតិ៍ យករឺុម៉ក់កង់បីមកដឹក ត្រូវសមត្ថកិច្ចចាប់វ៉ៃខ្នោះជាប់...
ភ្នំពេញ ៖ ជនសង្ស័យម្នាក់ឈ្មោះ ស៊ុន សារិទ្ធ ត្រូវប៉ុស្តិ៍រដ្ឋបាលគោកឃ្លាង បានធ្វើការឃាត់ខ្លួន ករណីអំពើលួច (លួចយកកំណាត់ឈើ) នៅចំណុចក្នុងដីឡូតិ៍ទុកចោល ផ្លូវបេតុង ភូមិគោកឃ្លាង សង្កាត់គោកឃ្លាង ខណ្ឌសែនសុខ កាលពីថ្ងៃទី ១៥ ខែកញ្ញា ឆ្នាំ២០១៨ វេលាម៉ោង១៦ និង៣០នាទី។
ជនសង្ស័យម្នាក់ឈ្មោះ ស៊ុន សារិទ្ធ ភេទប្រុស អាយុ៣៤ឆ្នាំ ជនជាតិខ្មែរ មុខរបមិនពិតប្រាកដ ស្នាក់នៅមិនពិតប្រាកដ (មានសារធាតុញៀន) ។ ជនងគ្រោះឈ្មោះ ឃឿន រិទ្ធី ភេទប្រុស អាយុ៣៩ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅក្នុងការដ្ឋានសំណង់ ផ្លុវបេតុង ភូមិគោកឃ្លាង សង្កាត់គោកឃ្លាង ខណ្ឌសែនសុខ ។ សម្ភារៈបន្សល់ទុក ៖កំណាត់ឈើជ្រុង ចំនួន២៥ដើម ប្រវែង០៤ម៉ែត្រ និងរឺម៉កមូតូចំនួន ០១គ្រឿង ម៉ាកសង់កូរ៉េ ពណ៌ក្រហម ពាក់ស្លាកលេខ ង2385.ភព១ ។ បើតាមសម្តីសមត្ថកិច្ចបានប្រាប់ថា មុនពេលកើតហេតុ ជនរងសង្ស័យ បានបើករឺម៉កម៉ូតូកង់បីរបស់ខ្លួន មកឈប់នៅចំណុចកើតហេតុ រួចបានដើរចូលទៅក្នុងដីឡូតិ៍ទុកចោល លួចយកកំណាត់ឈើដាក់ក្នុងរឺម៉កម៉ូតូកង់បីរបស់ខ្លួន ភ្លាមនោះជនរងគ្រោះឃើញបានឃាត់ខ្លួនជនសង្ស័យប្រគល់ឲ្យសមត្ថិកិច្ចប៉ុស្តិ៍រដ្ឋបាលគោកឃ្លាងធ្វើការសាកសួរ រួចជនរងគ្រោះបានដាក់ពាក្យបណ្តឹងចោទប្រកាន់ជនសង្ស័យតែម្តង ។ បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនីតិវិធី ៕ ប្រភពអត្ថបទ៖ នគរបាលជាតិ
ហាមដាច់ខាតការយកអត្ថបទ ពីវេបសាយ khmernews.news ដោយគ្មានការអនុញាត។