ចយអើយ!!! មកស្រុកខ្មែរមិនគិតរកសុីត្រឹមត្រូវទេ បែរជាធ្វើចោរ..
ភ្នំពេញ៖ កាលពីម៉ោង២រំលងអធ្រាត្ រឈានចូលថ្ងៃទី១៦ ខែកញ្ញា ឆ្នាំ២០១៨ សមត្ថកិច្ចខណ្ឌច្បារអំពៅ ធ្វើការឃាត់ខ្លួនជនជាតិវៀតណាមម្នាក់ ក្នុងចំណោម២នាក់ មានឈ្មោះង្វៀង យ៉ាំងទឹង ភេទប្រុស អាយុ២៥ឆ្នាំ ជនជាតិវៀតណាម មុខរបរ មិនពិតប្រាកដ ស្នាក់នៅភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ។ក្រោយពីពួកគេធ្វើសសម្មភាព គាស់សោទ្វារផ្ទះលួចម៉ូតូ របស់ជនជាតិវៀតណាមដូចគ្នាមានឈ្មោះ ជា សំណាង ភេទ ប្រុស អាយុ៤២ឆ្នាំ ជនជាតិវៀតណាម មុខរបរ ជាងឈើ ស្នាក់នៅផ្ទះ១៩៩ ភូមិតាងៅកណ្តាល សង្កាត់និរោធ ខណ្ឌច្បារអំពៅ។
បើតាមការរៀបរាប់របស់ជនរងគ្រោះបានឲ្យដឹងថាៈ គាត់បានទុកម៉ូតូម៉ាក Yamaha Exciter ពណ៌ខៀវ គ្មានស្លាកលេខ នៅក្នុងផ្ទះកើតហេតុ រួចចេញទៅធ្វើការនៅម្តុំអូរឌឹម ខណ្ឌពោធិ៍សែនជ័យ រហូតដល់ម៉ោង២យប់ឈានចូលថ្ងៃទី ១៦ ខែឆ្នាំដដែល ស្រាប់តែមានជនសង្ស័យ២នាក់ ឈ្មោះង្វៀង យ៉ាំងទឹង និងឈ្មោះ តាំង គូ បានធ្វើសកម្មភាពយកដង្កាប់ និងដែកទួរណឺវ៉ីសទៅគាស់សោទ្វារផ្ទះចូល លួចយក ម៉ូតូម៉ាកខាងលើ នាំគ្នាជិះគេចខ្លួន។ លុះដល់ម៉ោង៧និង៣០នាទី ថ្ងៃដដែល ជនសង្ស័យឈ្មោះ ង្វៀង យ៉ាំងទឹង និងឈ្មោះ តាំង គូ កំពុង ឈប់ម៉ូតូនៅភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ ក៏ត្រូវបានសមត្ថកិច្ច ឃាត់ខ្លួនបានជនសង្ស័យម្នាក់ឈ្មោះ ង្វៀង យ៉ាំងទឹង ដកហូតម៉ូតូ១គ្រឿង និងឧបករណ៍ធ្វើសកម្មភាពមួយចំនួន បញ្ជូនមកអធិការដ្ឋាននគរបាលខណ្ឌច្បារអំពៅ ចាត់ការតាមច្បាប់ ។ ចំណែកជនសង្ស័យឈ្មោះ តាំង គូ បានរត់គេចខ្លួនបាត់ ៕
ហាមដាច់ខាតការយកអត្ថបទ ពីវេបសាយ khmernews.news ដោយគ្មានការអនុញាត។