ខ្ទេចហើយគ្មានសល់ បើច្រើនម្លឹងៗ!!! សម្តេចស ខេង បញ្ជាឲ្យអង្គភាព៤ ប្រញាប់ទៅខេត្តព្រះសីហនុជាបន្ទាន់ ដើម្បីទប់ស្កាត់ជនជាតិចិន៧ម៉ឺននាក់ ដែលប្រព្រឹត្តបទល្មើសជាច្រើនបាត់បង់ភ្ញៀវទេសចរណ៏
ភ្នំពេញៈ សម្ដេចក្រឡាហោម ស ខេង ឧបនាយករដ្ឋមន្ត្រី និងជានាយករដ្ឋមន្ត្រីសស្តីទីបានបញ្ជាឲ្យអង្គភាពសំខាន់ៗចំនួន៤ របស់ក្រសួងមហាផ្ទៃ ដែលរួមមាន អគ្គនាយកដ្ឋានរដ្ឋបាល អគ្គស្នងការដ្ឋាននគរបាល អគ្គនាយកដ្ឋានអន្តោប្រវេសន៍ និងក្រុមអ្នកច្បាប់របស់ក្រសួង ចុះទៅខេត្តព្រះសីហនុជាបន្ទាន់ ដើម្បីស្រាវជ្រាវ បង្ក្រាប និងទប់ស្កាត់បទល្មើស។
ការដាក់បញ្ជារបស់សម្ដេចក្រឡាហោម ស ខេង បានធ្វើឡើងកាលពីព្រឹកថ្ងៃទី១២ ខែកញ្ញា ឆ្នាំ២០១៨នេះ ក្នុងឱកាសដែលសម្តេចបានអញ្ជើញជាអធិបតីក្នុងពិធីប្រកាសចូលកាន់តំណែង រដ្ឋលេខាធិការ អនុរដ្ឋលេខាធិការ អនុប្រធានអាជ្ញាធរជាតិប្រយុទ្ធ ប្រឆាំងគ្រឿងញៀន អគ្គនាយក អគ្គាធិការ និងបំពាក់ឋានន្ដរស័ក្ដិ ជូននាយនគរបាលជាតិជាន់ខ្ពស់ក្រសួងមហាផ្ទៃ បន្ទាប់ត្រូវបានគេមើលឃើញថា មានការកើនឡើងនូវជនជាតិចិនយ៉ាងគំហុកនៅខេត្តព្រះសីហនុ ពេលនេះ មិនតិចជាង៧ម៉ឺននាក់នោះទេ ហើយបទល្មើសបានកើតឡើងជាបន្តបន្ទាប់ ពាក់ព័ន្ធជាមួយជនជាតិចិន ដូចជាបទល្មើសសម្លាប់ ការប្រើប្រាស់គ្រឿងញៀន បញ្ហាបរិស្ថាន អនាម័យ ដែលយើងបារម្ភបំផុតខ្លាចថា ទឹកសមុទ្រដែលកំពុងតែជាទីពេញនិយមប្រជាពលរដ្ឋកម្ពុជា និងអន្តរជាតិ ដែលកោតសរសើរថាល្អនោះ បើសិនជាយើងមិនបានយកចិត្តទុកដាក់ឲ្យបានគ្រប់ជ្រុងជ្រោយទេ វាអាចធ្វើឲ្យទឹកសមុទ្រនេះ ក្លាយទៅជាទឹកសមុទ្រ ដែលប្រើលែងកើត” ។ សូមបញ្ជាក់ថា នៅខេត្តព្រះសីហនុ នាពេលចុងក្រោយនេះ មានបទល្មើសកើតឡើងជាបន្តបន្ទាប់ ហើយក្នុងនោះមានការចាប់បង្ខាំងជនជាតិចិនដូចគ្នា ធ្វើទារុណកម្មផងដែរ តែត្រូវបានកម្លាំងនគរបាលបង្ក្រាបទាន់ពេលវេលា៕
ហាមដាច់ខាតការយកអត្ថបទ ពីវេបសាយ khmernews.news ដោយគ្មានការអនុញាត។