លិចអស់ហើយក្រុងព្រះសីហនុ!!! ជំនន់ទឹកភ្លៀង លិចលង់ក្រុងព្រះសីហនុ កាលពីយប់មិញ - សង្គម សិល្បៈ កម្សាន្ដ - Khmer News - The latest Cambodia News. Khmer Times is the region's fastest growing newspaper with daily insights into Cambodia and ASEAN

លិចអស់ហើយក្រុងព្រះសីហនុ!!! ជំនន់ទឹកភ្លៀង លិចលង់ក្រុងព្រះសីហនុ កាលពីយប់មិញ

ព្រះសីហនុៈ កាលពីវេលាម៉ោង ប្រមាណជាង២ទាបភ្លឺព្រឹកថ្ងៃទី១៣ ខែកញ្ញា ឆ្នាំ២០១៨ មករហូតដល់ ល្ងាចថ្ងៃដដែលនេះ ភ្លៀងនៅតែបន្តធ្លាក់មក មិនទាន់ស្ងប់នៅឡើយទេ។ ជំនន់ទឹកភ្លៀងដ៏ធំមួយ បានធ្វើឲ្យទីក្រុងទេសចរ មាត់សមុទ្រក្រុងព្រះសីហនុ បានលិចលង់ជាអន្លើៗ តាមតំបន់មួយចំនួន ជាពិសេស ក្នុងសង្កាត់លេខ៤ក្រុង/ខេត្តព្រះសីហនុ។

អាជីវករផ្សារលើក្រុងព្រះសីហនុបានប្រាប់ថា ពួកគាត់បានខូចខាតសម្ភារៈលក់ដូរអស់ជាច្រើនដូចជាអង្ករ ជាដើម ព្រោះតែទឹកជំនន់ហូរចូលទីផ្សារ។ ពលរដ្ឋនៅតំបន់ អតីតខារាអូខេ អិល វី បានទូរស័ព្ទប្រាប់ថា ទឹកបានហូចូលដល់កន្លែងដេក លិចលង់ពេញផ្ទះហើយម្តងនេះ។

ប្រភពដដែលបន្តរថា លើកនេះភ្លៀងដូចចាក់ទឹក ហាក់បីដូចជាធម្មជាតិខឹងនិងមនុស្សលោក ខុសពីភ្លៀងកន្លងមក។ ពលរដ្ឋបានលើកឡើងថា ក្រុងព្រះសីហនុ មិនធ្លាប់កើតមានដូចនេះទេ។ ទើបតែពេលនេះមានក្រុមហ៊ុនចិននិងលោកធំមួយចំនួនចាក់ដីលប់បឹងអូរប្រឡាយអស់ហើយប្រការនេះពលរដ្ឋបានរិះគន់ចំពោះអាជ្ញាធរដែនដីផងដែរថា មកពីអំពើពុករលួយ ឃុបឃិតឲ្យក្រុមហ៊ុនទាំងនោះចាក់ដីតាមចិត្ត។

មន្ត្រីសាលាក្រុងព្រះសីហនុបានថ្លែងថា អាជ្ញាធរក្រុង/ខេត្តបានយកចិត្តទុកដាក់ និងកំពង់តែស្តាអូរប្រឡាយជាបន្តរបន្ទាប់។ ប៉ុន្តែកន្លែងខ្លះក៏មានការប៉ះពាស់ដល់ពលរដ្ឋមួយចំនួន បានសង់ផ្ទះសម្បែងលើអូរ ប្រឡាយក៏មានដែរបាតុភាពទាំងនេះក៏កំពង់ដោះស្រាយជាជំហ៊ានៗផងដែរ៕